Bíða enn eftir svari frá Hönnu Birnu

Hanna Birna Kristjánsdóttir fyrrverandi innanríkisráðherra hefur enn ekki svarað beiðni stjórnskipunar- og eftirlitsnefndar Alþingis um að hún komi á fund nefndarinnar.

Beiðnin var lögð fram eftir að umboðsmaður Alþingis skilaði áliti um lekamálið í janúar en Hanna Birna hefur verið í leyfi frá þingstörfum síðan í desember. Hönnu Birnu er þó ekki skylt að mæta á fund nefndarinnar. 

Þá hefur fréttastofa ítrekað á undanförnum dögum óskað eftir viðtali við Sigríði Björk Guðjónsdóttur lögreglustjóra á höfuðborgarsvæðinu vegna úrskurðar persónunefndar en hún hefur hingað til ekki orðið við þeirri beiðni.