Fór með GoPro til Vegas og sneri henni öfugt allan tímann

Hvað gerist þegar þú lánar föður þínum GoPro vél svo hann geti myndað ferðalag sitt til Las Vegas en þú gleymir að láta hann kenna honum á vélina? Að þessu komst Írinn Evan Griffin á dögunum.

Vopnaður selfie-stöng og GoPro gekk hann um götur borgarinnar og ætlaði að taka upp það sem fyrir augu bar. Maðurinn áttaði sig hins vegar ekki á því að hann sneri stönginni vitlaust allan tímann og tók því aðeins upp sjálfan sig að tala um borgina.

Það fyrsta sem Evan gerði til að stríða föður sínum var að sjálfsögðu að klippa myndbrotin úr ferðinni saman og setja þau á Youtube og heimsbyggðin öll gæti flissað að föður hans.

Við skulum þó öll passa okkur á því að gera ekki of mikið grín að því hve tækniheft foreldrar okkar eru þar sem það voru nú þau sem kenndu okkur hvernig hnífapör virka.

Myndbandið má sjá hér fyrir neðan.