North eignast bróður

Líkt og margir vita eiga Kim Kardashian West og Kanye West von á sínu öðru barni.

Kim og Kanye eiga fyrir dótturina North West sem varð tveggja ára gömul þann 15. júní síðastliðinn og haldið var upp á afmælið hennar með pompi og prakt í Disneylandi.

Kim birti hjartnæma mynd af feðginunum North og Kanye að lesa sama á Instagram-síðu sinni. Í kveðjunni óskaði hún eiginmanni sínum til hamingju með feðradaginn og sagði tengslin milli hans og North órjúfanleg. Í lokin bætti hún við að hann væri dóttur þeirra frábær faðir og yrði það einnig fyrir son þeirra.

Talsverðar umræður hafa skapast um hvaða nafn verður fyrir valinu á nýjasta fjölskyldumeðliminn og veltu margir fyrir sér hvort að nafnið South kæmi til greina í stíl við nafn frumburðar þeirra hjóna. Kim sló það hins vegar fljótlega út af borðinu og sagði það vera fáránlegt nafn og verður því spennandi að sjá hvaða nafn verður fyrir valinu.

Kim og Kanye giftu sig þann 24. maí árið 2014 en von er á drengnum í desember á þessu ári.

Hér má sjá myndina sem Kim birti á Instagram-síðu sinni:

A photo posted by Kim Kardashian West (@kimkardashian) on Jun 21, 2015 at 8:58pm PDT