X Factor stjarna lést í bílslysi

Nathaniel O'Brien, áströlsk The X Factor stjarna, lést í skelfilegu bílslysi á sunnudagskvöldið en hann var á leiðinni heim eftir að hafa komið fram á tónlistarhátíð.

Þessi 19 ára söngvari var einn í ökutækinu en hann mun hafa misst stjórn á bílnum sem hafnaði á tré. Þetta kemur fram í tilkynningu frá áströlsku lögreglunni.

Nathaniel komst fyrst á sjónarsviðið í þættinum árið 2014. Dannii Minogue, dómari í ástralska X Factor, tísti um málið í gær.

„Mér þykir ótrúlega leiðinlegt að heyra fréttirnar um Nathaniel O'Brien. Hann var hlýr og yndisleg manneskja. Hugur minn er með fjölskyldu hans núna.“

So sad to hear about Nathaniel O'Brien. I remember him as such a warm, sunny person. My thoughts are with his family and friends x

— Dannii Minogue (@DanniiMinogue) November 9, 2015

Þegar Nathaniel O'Brien kom fyrst fram í X Factor