Mikill erill hjá ættarfylgjum

Dagdraugar,útburðir, gangárar, haugbúar, ærsladraugar og ættarfylgjur voru meðal þeirra fyrirbæra sem fjallað var um í þriðja þætti Hindurvitna á Stöð 2.

Sagt er að fylgjur geti elt sömu fjölskylduna í marga ættliði. Leikkonurnar Saga Garðarsdóttir og Ugla Egilsdóttir settu sig í spor þeirra.

Það hlýtur að vera flókið að fylgja Íslendingum nú til dags, þegar utanlandsferðum hefur fjölgað og fjölskyldumynstur breyst.

Þorvaldur Davíð kynnti sér einnig ráðgátuna um Miklabæjar-Sólveigu og séra Odd.

Hann ræddi við ýmsa draugasérfræðinga, fór yfir gamalreynd ráð til að vekja upp drauga og kveða þá aftur niður.

Hindurvitni er nýr íslenskur fræðslu- og skemmtiþáttur um hin ýmsu fyrirbæri í íslenskri þjóðtrú. Í fyrsta þætti var fjallað um fjölbreytni íslenskra skrímsla og kynjaskepna og í öðrum þætti var fjallað um álfa.

Hindurvitni er á dagskrá Stöðvar 2 á mánudagskvöldum klukkan 20.15.