Tilkynnir manninum að hún sé barnshafandi á mjög óvenjulegan hátt - Myndband

Kristen Willams kom eiginmanni sínum heldur betur á óvart á dögunum þegar hún tilkynnti honum að hún væri ólétt.

Cory Williams heldur úti sinni eigin YouTube rás sem nefnist DudeLikeHella og er hann nokkuð vinsæll á þeim vettvangi.

Einn daginn þegar hann var að klippa saman myndbönd bað konan hans hann um að koma inn í eldhús. Hún hafði sett á svið einskonar smökkunarleik sem endaði með því að hann fékk krukku af barnamat.

Hann var dágóða stunda að átta sig á því hvað hún væri í raun að segja honum en brást síðan ótrúlega við og báru tilfinningarnar hann ofurliði.

Hér að neðan má sjá myndband af þessu skemmtilega atviki.