„Yes! Ég fæ það alltaf á undan þér“

Fjórði þátturinn af Punktinum er kominn á Vísi en þættirnir eru á dagskrá Stöðvar 3 á laugardagskvöldum.

Í þættinum má, meðal annars, sjá atriði þar sem ungt par er að stunda kynlíf. Maðurinn fær fullnægingu á undan konunni og fagnar eins og óður maður; „Yes!!!! Ég fæ það alltaf á undan þér. Hvað er staðan, 17-0 fyrir mér?“

Hópurinn á bak við Punktinn sat stíft allt síðastliðið ár yfir handritsgerð fyrir seríuna en kjarninn í hópnum hefur verið að leika sér með gerð sketsa síðan í Menntaskólanum í Kópavogi.

Síðan þá hafa nokkrir einstaklingar bæst í hópinn og eftir stendur samheldin hópur hæfileikaríks fólks sem hefur ekkert annað á stefnuskránni en að framleiða gamanþætti þar sem ekkert er heilagt og allt er fyndið.

Hópinn skipa Sindri Gretars, Bjarki Már Jóhannsson, Tómas Valgeirsson, Guðmundur Heiðar Helgason, Daníel Grímur Kristjánsson, Þórunn Guðlaugsdóttir, Egill Viðarsson, Þór Þorsteinsson, Viktor Bogdanski, Tanja Björk og Karl Lúðvíksson en til viðbótar er frábær hópur af leikurum og vinum í kringum hópum sem yfirleitt er kippt í þegar verið er að skipa í hlutverk.

Atriði í þættinum þykja ekki við hæfi barna yngri en 12 ára.