Upphluturinn fundinn: „Amma er alveg í skýjunum“

Upphluturinn sem Sigrún Guðmundsdóttir leitaði logandi ljósi að er kominn í leitirnar. Vísir greindi frá leitinni í gær en upphluturinn er í eigu ömmu Sigrúnar og alnöfnu og týndist þann 16. september síðastliðinn.

„Ég fékk sendan póst frá verslunarstjóra á Laugaveginum sem sagði að þetta hefði verið skilið eftir á dögunum og vissi ekki hver ætti þetta. En hann lét mig vita þegar hann sá greinina í gærkvöldi,“ segir Sigrún í samtali við Vísi um fundinn.

Sigrún hafði fengið upphlutinn lánaðan frá ömmu sinni í stórum poka sem hún fór með í miðbæ Reykjavíkur en glataði honum þar. Nú þegar upphluturinn er kominn í leitirnar er mikil gleði hjá henni og ömmu hennar. „Amma er alveg í skýjunum.“