Punkturinn: Knattspyrnumenn/leikarar sýna listir sínar

Þátturinn Punkturinn er á dagskrá Stöðvar 3 á laugardagskvöldum og hefur hann fengið góðar viðtökur.

Í einum þætti var gert grín af knattspyrnumönnum og hvernig þeir eiga það til að dýfa sér í miðjum leik.

Knattspyrnumenn fá oft mikla gagnrýni á sig fyrir leikaraskap og að meiðsli þeirra séu stórlega ýkt í miðjum leik. Þetta var vel tekið fyrir í síðasta þætti.

Hópurinn á bak við Punktinn sat stíft allt síðastliðið ár yfir handritsgerð fyrir seríuna en kjarninn í hópnum hefur verið að leika sér með gerð sketsa síðan í Menntaskólanum í Kópavogi.

Síðan þá hafa nokkrir einstaklingar bæst í hópinn og eftir stendur samheldin hópur hæfileikaríks fólks sem hefur ekkert annað á stefnuskránni en að framleiða gamanþætti þar sem ekkert er heilagt og allt er fyndið.

Hópinn skipa Sindri Gretars, Bjarki Már Jóhannsson, Tómas Valgeirsson, Guðmundur Heiðar Helgason, Daníel Grímur Kristjánsson, Þórunn Guðlaugsdóttir, Egill Viðarsson, Þór Þorsteinsson, Viktor Bogdanski, Tanja Björk og Karl Lúðvíksson en til viðbótar er frábær hópur af leikurum og vinum í kringum hópum sem yfirleitt er kippt í þegar verið er að skipa í hlutverk.