Kveðst hættur öllu spaugi

Skopmyndateiknarinn Lars Vilks hefur eftir hryðjuverkaárásina í Kaupmannahöfn ekki getað búið heima, heldur flytur hann sig stöðugt á milli staða í Svíþjóð.

Í frétt á vef Dagens Nyheter sem vitnar í AP-fréttastofuna er haft eftir Vilks að þetta sé eins og að hefja nýtt líf. Nú sé allt breytt. Nú sé hann hættur að spauga.

Vilks kveðst samt ekki iðrast þess að hafa teiknað skopmyndir af Múhameð í hundslíki. Umræðufundi sem Vilks átti að halda í Gautaborg á dögunum var aflýst.