Átta leyndarmál sem starfsfólk hótela myndu aldrei segja þér

Ónafngreindir starfsmenn á hótelum tjá sig um hvað í raun og veru gengur á þar á bæ inni á Reddit.

Á vefsíðu The Independent hefur þetta verið tekið saman og þar má lesa um átta leyndarmál sem starfsfólk á hótelum myndu aldrei segja viðskiptavinum.

1. Dauðsföll

Eitt af mestu leyndarmálum hótela er hversu margir falla frá inni á hótelherbergjum.

„Lögreglan mætti á svæðið og flutti líkið út eins fljótlega og hægt var. Gestir hótelsins urðu í raun ekkert varir við það að einhver hefði látið lífið í næsta herbergi. Þetta rataði oftast ekki einu sinni í fjölmiðla,“ segir fyrrum starfsmaður á Reddit. Hann segir það nokkuð algengt að fólk fremji sjálfsmorð innan veggja hótelsins.

2. Stjörnur

Mjög líklega hefur þú dvalið á hóteli á sama tíma og einhver heimsþekktur einstaklingur.

„Venjulegir gestir vita í raun aldrei af því að það sé heimsfræg Hollywood stjarna á hótelinu,“ segir Stacey Jean á Reddit.

„Við vorum einu sinni með heilt hafnarboltalið á hótelinu og það tók ekki ein manneskja eftir því.“

3. Framhjáhöld

Starfsfólkið gerir sér strax grein fyrir því þegar fólk bókar sig inn á hótel til að halda framhjá maka sínum.

„Já, við vitum það strax en okkur er í raun nákvæmlega sama.“

4. Lögreglan

Nánast öll hótel eru í nánu samstarfi við nærliggjandi lögreglustöð.  „Þegar margt fólk er undir sama þaki gerast oft hlutir sem við ráðum ekki við,“ segir einn notandi.

5. Hreinlæti

Flest allir notendur Reddit sem vildu tjá sig um þetta mál gátu ekki mælt með því að fólk snerti fjarstýringarnar. Fjarstýringarnar eru aldrei þrifnar.

6. Afbókun

Það gilda oft ákveðnar reglur þegar kemur að því að bóka hótelbergi. Þú þarft stundum að greiða tryggingu fyrirfram og ekki er leyfilegt að afbóka nema með ákveðnum fyrirvara.

Ef þú vilt afbóka herbergið þitt og fá endurgreitt, þá hringir þú í afgreiðsluna og færð að færa bókunina fram um nokkra daga. Þú bíður síðan í nokkrar klukkustundir og hringir síðan aftur og afbókar herbergið. Þá ættirðu að fá endurgreitt að fullu.

7. Bókun

Aldrei bóka hótelherbergi í gegnum þriðja aðila. Það er oftast ódýrara að hringja beint á hótelið. Ef þú labbar beint inn á hótelið, og sérstaklega seint um kvöld, þá ættir þú að fá herbergið á góðu verði.



8. Ókeypis

Mælt er með því að vera kurteis við allt starfsfólk.

„Ég get gefið þér fría vatnsflösku, túrtappa, frítt bílastæði, sett fötin þín í hreinsun og jafnvel komið þér í betra herbergi, en það talar aldrei neinn við mig,“ segir einn sem starfar á hóteli.