Meirihluti þingmanna felldi fyrr í vikunni tillögu stjórnarandstöðunnar um hækkun lífeyrisbóta til aldraðra. Raunar gekk tillagan, sem felld var, út á það að hækkun bótanna næði frá þeim tíma í vor, sem launþegar sömdu um og fengu, auk þess sem kjararáð hækkaði laun þingmanna og ráðherra átta mánuði aftur fyrir sig eins og allur þorri vinnumarkaðarins fékk.
Rökstuðningur meirihlutans var í aðalatriðum sá, að vel hafi verið gert við ellilífeyrisþega, frá því að núverandi ríkisstjórn tók við, að lög kveði á um, hvernig reiknaðar skulu út tryggingabætur og ellilífeyrir hafi hækkað um 3%, um síðustu áramót, umfram það sem aðrir fengu.
Þetta er löðurmannlegur málflutningur, fyrirsláttur og afneitun gagnvart þeirri einföldu staðreynd, að samfélagið er með þessari afgreiðslu Alþingis að horfast í augu við þá niðurstöðu, að eldra fólk eigi ekki annað skilið en að glíma við fátækt.
Upplýsingar frá innanríkisráðuneytinu og Almannatryggingum hafa leitt í ljós að fjögur þúsund eldri borgarar hafa minna en tvö hundruð þúsund krónur á mánuði til að framfleyta sér. Í fjárlagafrumvarpinu er lagt til að ellilífeyrir hækki um 9,6% frá næstu áramótum, ca tuttugu þúsund krónur, mínus skattur. Við það stendur. Við þá skömm stendur.
Þegar Almannatryggingar voru stofnaðar, var tilgangurinn sá, að samfélagið rétti öldruðu fólki hjálparhönd til að halda reisn sinni og geta lifað mannsæmandi lífi, þegar það væri ekki lengur á vinnumarkaði. Hugsunin var sú að útrýma fátækt hjá fólki, sem hefði fram að því lagt sinn skerf til þjóðfélagsins. Ætti það inni og verðskuldaði aðstoð. Þetta var ekki ölmusa, þetta var endurgjald, þakkir og viðurkenning samfélagsins um tilvist ellinnar.
Ég leyfi mér enn að trúa því að það sé ekki mannvonska sem veldur því að meirihluti Alþingis fellir tillögu um útborgun lífeyrisbóta. Það er hins vegar pólitík af verstu sort. Á bak við þetta er fólk sem hefur allt sitt vit úr Excel-skjölum, prósentureikningi og pólitískum samanburði. Og svo kemur hjörðin á eftir og réttir upp hendurnar þegar henni er skipað. Það hafði enginn alþingismaður úr stjórnarliðinu manndóm í sér til að greiða atkvæði með réttlætinu. Þetta er sorgleg staðreynd, hinn aumi blettur stjórnmálanna. Lýsandi dæmi um ósjálfbjarga og hollustusjúka meðreiðarsveina valdsins. Meira gæti ég sagt.
Þessi hörmulega epísóda er áminning til okkar allra, á hvaða aldri sem við erum, að jafnrétti og jöfnuður, samkennd og mannúð eiga enn erindi inn á hinn pólitíska vettvang. Og þar er verk að vinna.

Jólagjöfin í ár
Skoðun

Til hvers er forsetinn?
Sigurður Hjartarson skrifar

Sameign þjóðarinnar verður að sameign samfélaga
Kári Gautason skrifar

Áskoranir til framtíðar
Kristín Völundardóttir skrifar

Ekki vera geðveik
Eva Sjöfn Helgadóttir skrifar

Þreytt og komin með nóg
Sara Þöll Finnbogadóttir skrifar

Börn náttúrunnar
Sigurður Páll Jónsson skrifar

Er manneskja minna virði vegna geðsjúkdóms?
Árdís Rut Einarsdóttir skrifar

„Útsalan er í fullum gangi“ – eða þannig
Baldur Björnsson skrifar

Þau vita, þau geta en ekkert gerist
Ragnar Þór Ingólfsson skrifar

Íslenskan mat í skóla
Ingibjörg Ólöf Isaksen skrifar

Hvað á barnið að heita?
Ólafur Ísleifsson skrifar

Tveir pappakassar, móttökustaður: óþekktur
Ragnheiður Finnbogadóttir skrifar

Hagkvæmt kvótakerfi og nýliðun
Svanur Guðmundsson skrifar

Þjóðin andvíg sölu á Íslandsbanka
Drífa Snædal skrifar

Grjótkastarar – líka á Alþingi!
S. Albert Ármannsson skrifar