Rooney stoltur af markametinu | Sjáðu ræðuna í klefanum

„Ég vill þakka öllum sem hafa komið að þessu, leikmönnum og þjálfurunum sem hafa verið hér í lengri tíma. Þetta er frábær stund fyrir mig og fjölskyldu mína,“ sagði Wayne Rooney, fyrirliði enska landsliðsins, eftir að hafa slegið markamet enska landsliðsins í 2-0 sigri á Sviss í gær.

Rooney sem var að leika landsleik númer 107 fyrir hönd Englands skoraði sitt 50. mark í ensku landsliðstreyjunni af vítapunktinum, þremur dögum eftir að hafa skorað eitt af mörkum enska liðsins gegn San Marínó, einnig af vítapunktinum.

Rooney hélt þakkarræðu að leik loknum í búningsklefanum en myndband frá ræðu hans má sjá hér fyrir neðan.