Það er komið aftur!

Beach Blonde-línan var hönnuð af sérfræðingum John Frieda til þess að hár fólks liti út fyrir að það hefði verið á ströndinni á hvaða árstíma sem er.

Vörurnar eru fylltar af náttúrulegum plöntukjörnum og sjávarplöntum sem gera það kleift að skapa áreynslulausar bylgjur í hárið. Um leið vekur ilmurinn af þeim upp dásamlegar minningar af ströndinni. Línan hentar öllum hárlit, þrátt fyrir nafnið. 

Hin svokallaða strandarhárgreiðsla og Beach Blonde-vörurnar voru gríðarlega vinsælar á árunum 2001 til 2004 þegar þær voru teknar af markaði. Þegar áratugur var liðinn og margar konur höfðu leitað jafnlengi að vöru sem kæmi í staðinn fyrir Beach Blonde komu vörurnar aftur á markað.

Eftir að John Frieda hætti með línuna á sínum tíma hafði hópur verið stofnaður á samfélagsmiðlum undir slagorðinu „Bring back Beach Blonde“. Eldri týpur af einstaka vörum úr línunni eru seldar á allt að hundrað dollara á Amazon en nýju vörurnar gefa þeim eldri þó ekkert eftir í gæðum. 

Beach Blonde hentar fullkomlega

Lína Birgitta, lífsstílsbloggari á Line the fine, notar alla Beach Blonde-línuna; sjampóið, næringuna, djúpnæringuna og sjávarsalt-spreyið. „Ég hef alltaf haft mikinn áhuga á John Frieda-vörunum þar sem þær virka. Ég hef til dæmis alltaf notað Luxurious Volume-hárnæringuna en eftir að ég kynntist Beach Blonde-línunni þá er hún komin til að vera þar sem að hún hentar mér fullkomlega,“ segir Lína Birgitta ánægð.

„Þar sem sjampóið er hreinsisjampó þá hentar það mér einstaklega vel því ég vil hafa hárið mitt tandurhreint. Hárnæringin er líka algjört æði þar sem hún þyngir ekki hárið. Svo má ekki gleyma sjávarsalt-spreyinu sem allar þær sem vilja ýkta vindblásna liði í hárið verða að eiga. Spreyið er snilld í hárið beint eftir sturtu eða í staðinn fyrir hársprey þegar búið er að krulla hárið.“

Lína Birgitta segir nafnið eiga mjög vel við línuna þar sem hún segist fá á tilfinninguna að hún sé komin á ströndina þegar hún notar vörurnar. „Lyktin er ómótstæðilega góð og frískandi. Ég mæli hiklaust með Beach Blonde-línunni fyrir allar konur sem vilja fríska upp á útlitið og vilja góðar hárvörur.“