Ljónheppnar lottómæðgur raka inn milljónum

Á miðvikudaginn datt kona á miðjum aldri í lukkupottinn þegar hún vann rúmlega átta milljónur í Víkingalottóinu. Aðeins eru nokkrir mánuðir síðan dóttir hennar vann rúmar 20 milljónir í lottóvinning.

Móðirin, sem keypti lottómiðann í 10-11 á Reykjavíkurvegi í Hafnarfirði, segist ekki vera viss um hvað hún ætli sér að gera við vinningin en mögulega muni hún fá sér nýjar tennur.

Í tilkynningu frá Íslenskri getspá segir að það að vinna í lottói sé fjölskyldusport fyrir þessa tilteknu fjölskyldu en fyrir nokkrum mánuðum vann dóttir konunnar rúmlega 20 milljónir í lottóvinning. Þær hljóta því að teljast vera einhverjar heppnustu mæðgur sem fyrirfinnast á Íslandi.