Nú fer hver að verða síðastur að skrá sig í Rappþuluna

Nú styttist óðum í Rappþuluna, rappkeppni fyrir 16 ára og eldri af öllu landinu. Keppnin verður haldin í þriðja sinn 20. nóvember í Ungmennahúsinu Molanum Kópavogi, húsið opnar kl. 20 og er aðgangur ókeypis.

Enn er hægt að skrá sig til keppni í gegnum heimasíðu Molans. Skráningu lýkur 16. nóvember en glæsileg verðlaun verða í boði fyrir sigurvegara og verður upptöku af öllum keppendum sett á netið.

Sérstakur gestur kvöldsins er Herra Hnetusmjör & mun sigurvegari Rappþulunnar 2014, Guðmundur F.T, taka nokkur lög. Dómnefnd er meðal annarra skipuð þeim Dr. Gunna & Þórdísi Claessen.

Rappþulan er samstarfsverkefni Sesar A og Molans sem kom til vegna vöntunar á rappkeppni fyrir 16 ára og eldri. Molinn er staðsettur í hjarta menningarkjarna Stór-Kópavogssvæðisins, gengt Gerðarsafni og Salnum, tónleikahöll bæjarfélagsins.