Snorri með níu mörk í sigri

Snorri Steinn Guðjónsson skoraði níu mörk er Nimes hafði betur gegn Nantes, 29-26, í frönsku úrvalsdeildinni í kvöld. Ásgeir Örn Hallgrímsson bætti við þremur.

Nimes náði forystunni snemma leiks og hélt henni allt til loka, þó svo að Nantes hafi minnkað muninn í eitt mark þegar tíu mínútur voru til leiksloka.

Þá hafði PSG betur gegn Cesson-Rennes, 38-31, en Róbert Gunnarsson var ekki á skýrslu hjá PSG í kvöld. Mikkel Hansen var markahæstur hjá PSG með níu mörk.

PSG er á toppi deildarinnar með 20 stig en Nimes er í fimmta sætinu með fjórtán stig.