Enn er rafmagnslaust í hluta af miðbæ Akureyrar en unnið er að viðgerð.
Búið er að koma lítilli varaaflstöð fyrir sem keyrir á diesel-olíu og með henni er búið að koma á rafmagni á Ráðhúsinu, Landsbankanum og Arion banka.
Skipta þarf um spenni í spennustöðinni en meta á hversu langan tíma það taki og þá hvort að það borgi sig að setja upp stærri varaflstöð sem ætti að tryggja aðgang að rafmagni á stærra svæði taki viðgerð lengri tíma.
Baldur Dýrfjörð, forstöðumaður þróunar hjá Norðurorku, sagði í samtali við Vísi að ekki væri hægt að segja til um hversu langan tíma viðgerð tæki.
Rafmagnsleysi hrjáir nú hluta af Brekkugötu (1-31), Túngötu, Geislagötu, Laxagötu, Hólabraut, hluta af Eiðsvallagötu, Fjólugötu, Norðurgötu nr. 31 og 35, Strandgötu nr. 9, 11 og 13, Gránufélagsgötu 10 og 19, Fróðasund og Glerárgata 1 til og með 7 en eins og áður sagði tryggir varaaflstöð rafmagn til Ráðhússins, Landsbankans og Arion banka.
Víða er enn rafmagnslaust á Norðurlandi og er rafmagni skammtað á nokkrum stöðum.
Enn rafmagnslaust í miðbæ Akureyrar
Tengdar fréttir
Rafmagn úti og víða skömmtun á Norðurlandi
Ennþá er ekki búið að meta að fullu tjón í Blönduhlíð í Skagafirði.
Björgunarsveitir enn að í Skagafirði
Enn hefur veður ekki lægt í Skagafirði og eru björgunarsveitarmenn að störfum við að festa þakplötur í Blönduhlíð.
