#Löggutíst í beinni: Fylgstu með föstudagskvöldi hjá lögreglunni

Twitter-maraþon lögreglunnar á höfuðborgarsvæðinu og lögreglunnar á Norðurlandi eystra hefst nú í kvöld klukkan 18.00. Lögreglumenn munu þá nota samfélagsmiðilinn til að segja frá öllum verkefnum sem koma inn á borð þeirra næsta sólarhringinn.

Lögreglan á höfuðborgarsvæðinu hafa áður haldið áþekk maraþon í tvígang við ágætar undirtektir. Kollegar þeirra fyrir norðan taka nú þátt í fyrsta sinn og stofnaði embættið Twitter-aðgang sérstaklega fyrir uppátækið.

@logreglan Við hér fyrir norðan ætlum að vera með.Hlökkum bara til. #löggutíst ttt Ég setti nokkur auka T af því við erum að norðan. #Follow

— LögreglanNorðEystra (@LogreglanNE) November 4, 2015

Bæði embættin munu tísta á síðum sínum og hægt verður að notast við myllumerkið #löggutíst til að fylgjast með verkefnum embættanna þetta föstudagskvöldið.

Sem fyrr segir stendur maraþonið í 24 tíma og lýkur því klukkan sex í fyrramálið.

#löggutíst Tweets