Steindi gat ekki tekið 80 kg. í bekk og tapaði veðmáli við Loga Bergmann - Myndband

Steinþór Hróar Steinþórsson er einum bjórkassa fáttækari eftir daginn í dag en hann tapaði veðmáli við sjónvarpsmanninn Loga Bergmann Eiðsson.

Logi var gestastjórnandi í útvarpsþættinum FM95BLÖ  á föstudaginn og þá barst talið að því hvað Steindi Jr. gæti tekið í bekk. Sjálfur vildi hann meina að hann myndi þruma upp 80 kg. en Logi var honum ósammála. Þeir félagar ákváðu því að henda í veðmál en tilraunin fór fram í Sporthúsinu í dag.

Allt var þetta sýnt á Snapchat-reikningi FM95BLÖ, fm95blo. Steindi var ekki í neinum vandræðum með 20,40 og 60 kg. en allt strandaði þegar kallinn var kominn í 70 kg. Logi Bergmann gekk því út með einn kassa af bjór en það var einmitt undir.

Hér að neðan má sjá myndband frá veðmálinu sem tekið var upp í Sporthúsinu í dag.

Umræðan um veðmálið hefst þegar um 25 mínútur eru liðnar af þættinum og hlusta má á það hér að neðan.