Umfjöllun og viðtöl: ÍR - Grindavík 79-94 | ÍR-ingar jarðaðir í Hellinum Tómas Þór Þórðarson skrifar 22. október 2015 21:15 Ingvi Þór Guðmundsson í leiknum í kvöld. Vísir/Stefán Grindavík vann stórsigur á ÍR, 94-79, í þriðju umferð Dominos-deildar karla í körfubolta í Hertz-hellinum í kvöld. Það var aðeins undir restina sem ÍR klóraði í bakkann, en Grindavík var mest 32 stigum yfir. Grindavík stakk af strax í byrjun þegar liðið komst í 11-2 áður en Bjarni Magnússon þurfti að taka leikhlé á fjórðu mínútu. ÍR-ingar gátu ekki keypt sér körfu framan af í fyrri hálfleik og létu baka sig í frákastabaráttunni (26-15). Jón Axel Guðmundsson hefur fengið fyrirsagnirnar það sem af er á leiktíðinni hjá Grindavík en í fyrri hálfleiknum í kvöld sýndi Jóhann Árni Ólafsson hvað hann getur. Jóhann skoraði 18 stig, þar af þrjá þrista úr fimm tilranum og tók sex fráköst. Það fór ekkert sérstaklega mikið fyrir Jóni Axel í fyrri hálfleiknum en samt var hann með átta stig og átta fráköst. Svo góður er hann. Hann reyndar endaði með 19 stig og 9 fráköst. Ljómandi gott framlag. Jóhann Árni hafði sig hægan í seinni hálfleik hvað varðar stigaskorun. Hann bætti við tveimur stigum og endaði grátlega nálægt þrennu með 20 stig, ellefu fráköst og átta stoðsendinga. Varnarleikur Grindvíkinga var alltof sterkur fyrir ÍR-liðið sem hafði engan Jonathan Mitchell til að taka baráttuna inn í teignum. Bandaríkjamaðurinn er frá vegna blóðtappa sem hann fékk í fótinn og munaði um minna fyrir heimamenn. Sjálfstraustið var ansi fljótt að hverfa hjá ÍR þegar Grindavík var komið í 24-6 eftir átta mínútur. Skotin urðu erfiðari og erfiðari hjá ÍR-ingum og ef þeir fengu svo auðveld skot smullu þau á hringnum. Grindvíkingar voru óstöðvandi fyrir utan þriggja stiga línuna í hálfleik, en þeir skoruðu tíu þrista í 15 tilraunum sem gerir 67 prósent nýtingu. Gamli maðurinn, Páll Axel Vilbergsson, tók virkan þátt í því fjöri og skoraði þrjár þriggja stiga körfur úr þremur tilranum. Munurinn var orðinn 26 stig í hálfleik, 57-31, þar sem stigahæsti maður ÍR, Oddur Rúnar Kristjánsson, var aðeins með sjö stig. Skotvalið hjá ÍR fór úr öskunni í eldinn í seinni hálfleik. Einstaklingsframtakið var of mikið og hafði ekki nokkur maður trú á verkefninu. Það var líka erfitt þar sem Grindavík hitti nánast úr hverju einasta skoti. Páll Axel og Jón Axel, eða Paxel og Jaxel, léku sér fyrir utan þriggja stiga línuna og skoruðu samtals úr níu fyrstu þriggja stiga skotunum sínum. Jón Axel var fimm af fimm og sá gamli fjórir af fjórum. Rosalegt.ÍR-Grindavík 79-94 (11-26, 20-31, 22-24, 26-13)ÍR: Oddur Rúnar Kristjánsson 24/4 fráköst, Hamid Dicko 13, Vilhjálmur Theodór Jónsson 9/5 fráköst, Sveinbjörn Claessen 8/5 fráköst, Björgvin Hafþór Ríkharðsson 7/4 fráköst, Sæþór Elmar Kristjánsson 6/6 fráköst, Trausti Eiríksson 6/4 fráköst/3 varin skot, Kristján Pétur Andrésson 5, Eyjólfur Ásberg Halldórsson 1.Grindavík: Jóhann Árni Ólafsson 20/11 fráköst/8 stoðsendingar, Jón Axel Guðmundsson 19/9 fráköst/5 stoðsendingar, Páll Axel Vilbergsson 18/4 fráköst, Ómar Örn Sævarsson 12/12 fráköst/5 stoðsendingar, Þorleifur Ólafsson 10, Ingvi Þór Guðmundsson 5, Hilmir Kristjánsson 5, Daníel Guðni Guðmundsson 3, Jens Valgeir Óskarsson 2. Í heildina var Grindavík að skjóta 17 af 34 fyrir utan þriggja stiga línuna eða 50 prósent. Sú prósenta var mun hærri áður en ruslmínúturnar fóru að telja. Grindavík var á einum tímapunkti 15 af 26 fyrir utan. ÍR sótti aðeins í sig veðrið í fjórða leikhluta þegar Grindvíkingar hættu að hitta. Þeir unnu lokafjórðunginn með 13 stig og löguðu stöðuna á endanum. Lokatölur, 94-79. Grindvíkingar eru með fullt hús eftir þrjá leiki og eiga inni Kana sem verður klár í næsta leik. Haldi liðið að spila áfram svona og Kaninn smellur inn í þetta lið er aldrei að vita hvert þetta Grindavíkurlið getur farið. ÍR-ingar þurfa heldur betur að skoða sín mál. Eftir að sækja flottan sigur til FSu þar sem liðið barðist hatrammlega fyrir stigunum litu Breiðhyltingar svakalega illa út í kvöld. Stöðugleiki er eitthvað sem þeir þurfa að finna. Oddur Rúnar Kristjánsson var stigahæstur heimamanna með 24 stig. Hann hitti úr fjórum þriggja stiga skotum og var í raun eini með lífsmarki hjá ÍR.Jóhann Árni: Tölfræðin skiptir mig engu máli Jóhann Árni Ólafsson, leikmaður Grindavíkur, var grátlega nálægt þrennu í kvöld. Hann hefði þá getað náð í þriðju þrennu Grindvíkinga í röð, en Jón Axel Guðmundsson byrjaði tímabilið á tveimur í fyrstu tveimur leikjunum. "Ég er af gamla skólanum. Ég er ekki að skoða tölfræðiblöðin á meðan leik stendur og veit ekki einu sinni hvernig tölfræðin er núna. Segðu mér bara hversu nálægt ég var," sagði Jóhann Árni við Vísi eftir leik og fékk að vita frá blaðamanni að hann vantaði tvö fráköst í þrennuna. "Allt í lagi. Þetta skiptir mig engu máli. Leyfum Jóni Axel að vera á veggnum [í Dominos-Körfuboltakvöldi] enda ekkert út á það að setja. Sigrarnir skipta mig mestu máli, eins og Jón Axel, en mér er slétt sama um tölfræðina." Jóhann Árni var mjög ánægður með frammistöðu Grindavíkurliðsins í kvöld. Honum fannst mikil þroskamerki í sóknarleiknum. "Við vorum að hitta rosalega vel og gefa upp góð skot fyrir frábær skot sem er gríðarlegt þroskamerki, sérstaklega hjá ungu strákunum. Ef við spilum svona er ég virkilega, virkilega spenntur fyrir tímabilinu," sagði Jóhann Árni, en hversu langt getur þetta lið náð þegar það fær loksins Bandaríkjamann? "Ég er mjög jarðbundinn. Við erum að spila við lið sem er spáð neðar heldur en við. En við erum að afgreiða þau Kanalaus. Ég hef verið í Njarðvíkurliði þar sem við vorum með tíu sigra af ellefu fyrir áramót, Kanalausir. Svo kom Kani og allt fór í rugl." "Kanaígildi er ekkert alltaf það besta, en ef við ætlum okkur langt í deildinni þurfum við Kana og það góðan sem passar inn í þetta. Með Kana sem passar inn í þetta verðum við sterkir og getum náð markmiðum okkar," sagði Jóhann Árni Ólafsson.Bjarni: Vorum eins og litlir hvolpar "Í stuttu máli gerðist ekki neitt," sagði Bjarni Magnússon, furðulega rólegur, við Vísi eftir tapið gegn Grindavík í kvöld, aðspurður hvað var í gangi hjá hans mönnum. "Það er ekkert hægt að lýsa þessu. Við vorum afskaplega daprir í kvöld og erum vonsviknir með það." ÍR-liðið var ansi fljótt að gefast upp í kvöld þegar Grindavík fór að stinga af. Skotvalið hjá liðinu var slakt og sóknarleikurinn í heildina mjög slakur. "Þetta hefur verið vandamálið hjá okkur og var í fyrra. Þegar við fáum svona högg á okkur erum við alltof fljótir að brotna. Þá förum við alltaf styttri leiðina og leitum í einstaklingsframtök aftur og aftur," sagði Bjarni. "Það kann ekki góðri lukku að stýra og við vitum að það er ekki styrkur okkar. Því miður gerðist þetta í dag og við áttum ekki séns gegn Grindavík." ÍR vann flottan sigur á útivelli gegn FSu í síðustu umferð og sýndi þar mikinn baráttuanda. Slíkt var ekki uppi á teningnum í kvöld. "FSu er erfitt heim að sækja. Grindavík átti líka í erfiðleikum með þá. Frammistaðan hjá okkur í dag var bara rosalega döpur. Við ætluðum að reyna að byggja á síðasta sigri," sagði Bjarni og hélt svekktur áfram: "Við vorum eins og litlir hvolpar þarna eftir nokkrar mínútur og allir fóru með skottið á milli lappanna hver í sitt horn. Að spila svona á heimavelli fyrir framan sína stuðningsmen...já, mig langar að segja svo mörg orð. Frammistaðan var bara mjög döpur," sagði Bjarni Magnússon.vonum.Tweets by @Visirkarfa3 Dominos-deild karla Mest lesið Úr húsvarðarstarfi í atvinnumennsku Handbolti Slys á æfingu fyrir fjórum árum er enn að eyðileggja fyrir Söru Sport Rooney segir United losa sig við nær allan leikmannahópinn Enski boltinn Fabiana brýtur blað í sögunni áður en Jói Kalli tekur við Fótbolti Man. United sagði konunum ekki frá ákvörðuninni Enski boltinn Neitaði að svara spurningum um skilnaðinn Sport Einbeitir sér að því að komast í NBA frekar en að spila með pabba sínum Körfubolti Blaðamannafundur fyrir úrslitaleik Vals í Evrópubikarnum Handbolti „Núna ætla ég að klára þetta þar sem þetta er síðasta tímabilið mitt hérna“ Sport Mætti á þing FIFA úr fangaklefanum Fótbolti Fleiri fréttir Hafa aðeins meiri trú á Keflavík en Njarðvík í úrslitaeinvíginu Feðgar þjálfa Breiðablik: „Gott fyrir okkur báða að vera saman“ Doncic rankaði við sér og Dallas einum sigri frá úrslitum Vestursins Einbeitir sér að því að komast í NBA frekar en að spila með pabba sínum Birna með slitið krossband og missir af úrslitaeinvíginu Coach K aðstoðar Lakers í þjálfaraleit Rúnar Ingi skiptir um stól í Njarðvík Jokic tók við MVP-styttunni og sýndi svo hver er bestur Óbein yfirlýsing frá DeAndre Kane Hvað var LeBron að gera í Cleveland? Benedikt Guðmundsson hættur með Njarðvík: Ofboðslega þakklátur „Rosalega mikilvægt fyrir okkur og samfélagið í Grindavík“ „Þeir hittu bara ógeðslega vel og við áttum bara engin svör“ Kristófer Acox: „Fokkin passion“ „Ákváðum að byrja fyrstu fimm mínúturnar í þriðja af krafti“ Uppgjörið og viðtöl: Grindavík - Keflavík 112-63 | Grindvíkingar í úrslit eftir ruglaðan síðari hálfleik Oddaleikur í opinni dagskrá: Grindvíkingar taka á móti Keflvíkingum Oddaleikur í opinni dagskrá: Allt undir á Hlíðarenda Uppgjör, viðtöl og myndir: Valur - Njarðvík 85-82 | Ótrúlegur endir skilaði Val í úrslit Íslandsmótsins Oddaleikur Vals og Njarðvíkur: Frákastakóngar liðanna skila mestu Oddaleikur Grindavíkur og Keflavíkur í kvöld: Basile og Kane á toppnum Svona verður oddaleikjaveislan á Stöð 2 Sport í kvöld „Þetta var rosalega heimsk villa hjá mér í endann“ Þruman jafnaði með góðum endaspretti og Boston einum sigri frá úrslitum Austursins „Auðvitað voru einhverjir villtir draumar um að fara í úrslitin“ „Við vorum ekki að fara að fá neitt gefins hérna“ Uppgjörið og viðtöl: Keflavík - Stjarnan 81-76 | Háspennuleikur og Keflavík komið í úrslit Keflavíkurkonur hafa aldrei tapað oddaleik á heimavelli Fyrsta skiptið í úrslitakeppninni eftir „Guð blessi Ísland“ „Ekki nógu illa gefinn til að átta mig ekki á því“ Sjá meira
Grindavík vann stórsigur á ÍR, 94-79, í þriðju umferð Dominos-deildar karla í körfubolta í Hertz-hellinum í kvöld. Það var aðeins undir restina sem ÍR klóraði í bakkann, en Grindavík var mest 32 stigum yfir. Grindavík stakk af strax í byrjun þegar liðið komst í 11-2 áður en Bjarni Magnússon þurfti að taka leikhlé á fjórðu mínútu. ÍR-ingar gátu ekki keypt sér körfu framan af í fyrri hálfleik og létu baka sig í frákastabaráttunni (26-15). Jón Axel Guðmundsson hefur fengið fyrirsagnirnar það sem af er á leiktíðinni hjá Grindavík en í fyrri hálfleiknum í kvöld sýndi Jóhann Árni Ólafsson hvað hann getur. Jóhann skoraði 18 stig, þar af þrjá þrista úr fimm tilranum og tók sex fráköst. Það fór ekkert sérstaklega mikið fyrir Jóni Axel í fyrri hálfleiknum en samt var hann með átta stig og átta fráköst. Svo góður er hann. Hann reyndar endaði með 19 stig og 9 fráköst. Ljómandi gott framlag. Jóhann Árni hafði sig hægan í seinni hálfleik hvað varðar stigaskorun. Hann bætti við tveimur stigum og endaði grátlega nálægt þrennu með 20 stig, ellefu fráköst og átta stoðsendinga. Varnarleikur Grindvíkinga var alltof sterkur fyrir ÍR-liðið sem hafði engan Jonathan Mitchell til að taka baráttuna inn í teignum. Bandaríkjamaðurinn er frá vegna blóðtappa sem hann fékk í fótinn og munaði um minna fyrir heimamenn. Sjálfstraustið var ansi fljótt að hverfa hjá ÍR þegar Grindavík var komið í 24-6 eftir átta mínútur. Skotin urðu erfiðari og erfiðari hjá ÍR-ingum og ef þeir fengu svo auðveld skot smullu þau á hringnum. Grindvíkingar voru óstöðvandi fyrir utan þriggja stiga línuna í hálfleik, en þeir skoruðu tíu þrista í 15 tilraunum sem gerir 67 prósent nýtingu. Gamli maðurinn, Páll Axel Vilbergsson, tók virkan þátt í því fjöri og skoraði þrjár þriggja stiga körfur úr þremur tilranum. Munurinn var orðinn 26 stig í hálfleik, 57-31, þar sem stigahæsti maður ÍR, Oddur Rúnar Kristjánsson, var aðeins með sjö stig. Skotvalið hjá ÍR fór úr öskunni í eldinn í seinni hálfleik. Einstaklingsframtakið var of mikið og hafði ekki nokkur maður trú á verkefninu. Það var líka erfitt þar sem Grindavík hitti nánast úr hverju einasta skoti. Páll Axel og Jón Axel, eða Paxel og Jaxel, léku sér fyrir utan þriggja stiga línuna og skoruðu samtals úr níu fyrstu þriggja stiga skotunum sínum. Jón Axel var fimm af fimm og sá gamli fjórir af fjórum. Rosalegt.ÍR-Grindavík 79-94 (11-26, 20-31, 22-24, 26-13)ÍR: Oddur Rúnar Kristjánsson 24/4 fráköst, Hamid Dicko 13, Vilhjálmur Theodór Jónsson 9/5 fráköst, Sveinbjörn Claessen 8/5 fráköst, Björgvin Hafþór Ríkharðsson 7/4 fráköst, Sæþór Elmar Kristjánsson 6/6 fráköst, Trausti Eiríksson 6/4 fráköst/3 varin skot, Kristján Pétur Andrésson 5, Eyjólfur Ásberg Halldórsson 1.Grindavík: Jóhann Árni Ólafsson 20/11 fráköst/8 stoðsendingar, Jón Axel Guðmundsson 19/9 fráköst/5 stoðsendingar, Páll Axel Vilbergsson 18/4 fráköst, Ómar Örn Sævarsson 12/12 fráköst/5 stoðsendingar, Þorleifur Ólafsson 10, Ingvi Þór Guðmundsson 5, Hilmir Kristjánsson 5, Daníel Guðni Guðmundsson 3, Jens Valgeir Óskarsson 2. Í heildina var Grindavík að skjóta 17 af 34 fyrir utan þriggja stiga línuna eða 50 prósent. Sú prósenta var mun hærri áður en ruslmínúturnar fóru að telja. Grindavík var á einum tímapunkti 15 af 26 fyrir utan. ÍR sótti aðeins í sig veðrið í fjórða leikhluta þegar Grindvíkingar hættu að hitta. Þeir unnu lokafjórðunginn með 13 stig og löguðu stöðuna á endanum. Lokatölur, 94-79. Grindvíkingar eru með fullt hús eftir þrjá leiki og eiga inni Kana sem verður klár í næsta leik. Haldi liðið að spila áfram svona og Kaninn smellur inn í þetta lið er aldrei að vita hvert þetta Grindavíkurlið getur farið. ÍR-ingar þurfa heldur betur að skoða sín mál. Eftir að sækja flottan sigur til FSu þar sem liðið barðist hatrammlega fyrir stigunum litu Breiðhyltingar svakalega illa út í kvöld. Stöðugleiki er eitthvað sem þeir þurfa að finna. Oddur Rúnar Kristjánsson var stigahæstur heimamanna með 24 stig. Hann hitti úr fjórum þriggja stiga skotum og var í raun eini með lífsmarki hjá ÍR.Jóhann Árni: Tölfræðin skiptir mig engu máli Jóhann Árni Ólafsson, leikmaður Grindavíkur, var grátlega nálægt þrennu í kvöld. Hann hefði þá getað náð í þriðju þrennu Grindvíkinga í röð, en Jón Axel Guðmundsson byrjaði tímabilið á tveimur í fyrstu tveimur leikjunum. "Ég er af gamla skólanum. Ég er ekki að skoða tölfræðiblöðin á meðan leik stendur og veit ekki einu sinni hvernig tölfræðin er núna. Segðu mér bara hversu nálægt ég var," sagði Jóhann Árni við Vísi eftir leik og fékk að vita frá blaðamanni að hann vantaði tvö fráköst í þrennuna. "Allt í lagi. Þetta skiptir mig engu máli. Leyfum Jóni Axel að vera á veggnum [í Dominos-Körfuboltakvöldi] enda ekkert út á það að setja. Sigrarnir skipta mig mestu máli, eins og Jón Axel, en mér er slétt sama um tölfræðina." Jóhann Árni var mjög ánægður með frammistöðu Grindavíkurliðsins í kvöld. Honum fannst mikil þroskamerki í sóknarleiknum. "Við vorum að hitta rosalega vel og gefa upp góð skot fyrir frábær skot sem er gríðarlegt þroskamerki, sérstaklega hjá ungu strákunum. Ef við spilum svona er ég virkilega, virkilega spenntur fyrir tímabilinu," sagði Jóhann Árni, en hversu langt getur þetta lið náð þegar það fær loksins Bandaríkjamann? "Ég er mjög jarðbundinn. Við erum að spila við lið sem er spáð neðar heldur en við. En við erum að afgreiða þau Kanalaus. Ég hef verið í Njarðvíkurliði þar sem við vorum með tíu sigra af ellefu fyrir áramót, Kanalausir. Svo kom Kani og allt fór í rugl." "Kanaígildi er ekkert alltaf það besta, en ef við ætlum okkur langt í deildinni þurfum við Kana og það góðan sem passar inn í þetta. Með Kana sem passar inn í þetta verðum við sterkir og getum náð markmiðum okkar," sagði Jóhann Árni Ólafsson.Bjarni: Vorum eins og litlir hvolpar "Í stuttu máli gerðist ekki neitt," sagði Bjarni Magnússon, furðulega rólegur, við Vísi eftir tapið gegn Grindavík í kvöld, aðspurður hvað var í gangi hjá hans mönnum. "Það er ekkert hægt að lýsa þessu. Við vorum afskaplega daprir í kvöld og erum vonsviknir með það." ÍR-liðið var ansi fljótt að gefast upp í kvöld þegar Grindavík fór að stinga af. Skotvalið hjá liðinu var slakt og sóknarleikurinn í heildina mjög slakur. "Þetta hefur verið vandamálið hjá okkur og var í fyrra. Þegar við fáum svona högg á okkur erum við alltof fljótir að brotna. Þá förum við alltaf styttri leiðina og leitum í einstaklingsframtök aftur og aftur," sagði Bjarni. "Það kann ekki góðri lukku að stýra og við vitum að það er ekki styrkur okkar. Því miður gerðist þetta í dag og við áttum ekki séns gegn Grindavík." ÍR vann flottan sigur á útivelli gegn FSu í síðustu umferð og sýndi þar mikinn baráttuanda. Slíkt var ekki uppi á teningnum í kvöld. "FSu er erfitt heim að sækja. Grindavík átti líka í erfiðleikum með þá. Frammistaðan hjá okkur í dag var bara rosalega döpur. Við ætluðum að reyna að byggja á síðasta sigri," sagði Bjarni og hélt svekktur áfram: "Við vorum eins og litlir hvolpar þarna eftir nokkrar mínútur og allir fóru með skottið á milli lappanna hver í sitt horn. Að spila svona á heimavelli fyrir framan sína stuðningsmen...já, mig langar að segja svo mörg orð. Frammistaðan var bara mjög döpur," sagði Bjarni Magnússon.vonum.Tweets by @Visirkarfa3
Dominos-deild karla Mest lesið Úr húsvarðarstarfi í atvinnumennsku Handbolti Slys á æfingu fyrir fjórum árum er enn að eyðileggja fyrir Söru Sport Rooney segir United losa sig við nær allan leikmannahópinn Enski boltinn Fabiana brýtur blað í sögunni áður en Jói Kalli tekur við Fótbolti Man. United sagði konunum ekki frá ákvörðuninni Enski boltinn Neitaði að svara spurningum um skilnaðinn Sport Einbeitir sér að því að komast í NBA frekar en að spila með pabba sínum Körfubolti Blaðamannafundur fyrir úrslitaleik Vals í Evrópubikarnum Handbolti „Núna ætla ég að klára þetta þar sem þetta er síðasta tímabilið mitt hérna“ Sport Mætti á þing FIFA úr fangaklefanum Fótbolti Fleiri fréttir Hafa aðeins meiri trú á Keflavík en Njarðvík í úrslitaeinvíginu Feðgar þjálfa Breiðablik: „Gott fyrir okkur báða að vera saman“ Doncic rankaði við sér og Dallas einum sigri frá úrslitum Vestursins Einbeitir sér að því að komast í NBA frekar en að spila með pabba sínum Birna með slitið krossband og missir af úrslitaeinvíginu Coach K aðstoðar Lakers í þjálfaraleit Rúnar Ingi skiptir um stól í Njarðvík Jokic tók við MVP-styttunni og sýndi svo hver er bestur Óbein yfirlýsing frá DeAndre Kane Hvað var LeBron að gera í Cleveland? Benedikt Guðmundsson hættur með Njarðvík: Ofboðslega þakklátur „Rosalega mikilvægt fyrir okkur og samfélagið í Grindavík“ „Þeir hittu bara ógeðslega vel og við áttum bara engin svör“ Kristófer Acox: „Fokkin passion“ „Ákváðum að byrja fyrstu fimm mínúturnar í þriðja af krafti“ Uppgjörið og viðtöl: Grindavík - Keflavík 112-63 | Grindvíkingar í úrslit eftir ruglaðan síðari hálfleik Oddaleikur í opinni dagskrá: Grindvíkingar taka á móti Keflvíkingum Oddaleikur í opinni dagskrá: Allt undir á Hlíðarenda Uppgjör, viðtöl og myndir: Valur - Njarðvík 85-82 | Ótrúlegur endir skilaði Val í úrslit Íslandsmótsins Oddaleikur Vals og Njarðvíkur: Frákastakóngar liðanna skila mestu Oddaleikur Grindavíkur og Keflavíkur í kvöld: Basile og Kane á toppnum Svona verður oddaleikjaveislan á Stöð 2 Sport í kvöld „Þetta var rosalega heimsk villa hjá mér í endann“ Þruman jafnaði með góðum endaspretti og Boston einum sigri frá úrslitum Austursins „Auðvitað voru einhverjir villtir draumar um að fara í úrslitin“ „Við vorum ekki að fara að fá neitt gefins hérna“ Uppgjörið og viðtöl: Keflavík - Stjarnan 81-76 | Háspennuleikur og Keflavík komið í úrslit Keflavíkurkonur hafa aldrei tapað oddaleik á heimavelli Fyrsta skiptið í úrslitakeppninni eftir „Guð blessi Ísland“ „Ekki nógu illa gefinn til að átta mig ekki á því“ Sjá meira
Uppgjörið og viðtöl: Grindavík - Keflavík 112-63 | Grindvíkingar í úrslit eftir ruglaðan síðari hálfleik
Uppgjör, viðtöl og myndir: Valur - Njarðvík 85-82 | Ótrúlegur endir skilaði Val í úrslit Íslandsmótsins