Fótbolti

Mætti á þing FIFA úr fanga­klefanum

Valur Páll Eiríksson skrifar
Mamatou Touré, formaður malíska knattspyrnusambandsins, ásamt Gianni Infantino, forseta FIFA, á góðri stundu.
Mamatou Touré, formaður malíska knattspyrnusambandsins, ásamt Gianni Infantino, forseta FIFA, á góðri stundu. Bavieux - Mamatou Touré

Alþjóðaknattspyrnusambandið, FIFA, heimilaði meðlimi framkvæmdaráðs sambandsins að vera á meðal gesta á ráðstefnu sambandsins sem stendur yfir í Bangkok þrátt fyrir að sá sitji í fangelsi.

Mamatou Touré er formaður malíska knattspyrnusambandsins og meðlimur framkvæmdanefndarinnar sem fundar í Bangkok þessi dægrin. Touré situr í fangelsi og hefur verið kærður í heimalandinu fyrir fjárdrátt.

FIFA heimilaði Touré að mæta á fundinn þrátt fyrir að sitja undir ásökunum um að draga að sér almenningsfé. Hann situr í fangelsi í Bamako, höfuðborg Malí, og bíður réttarhalda.

Margir ráku upp stór augu þegar einn gesta ráðstefnunnar lét sjá sig gegnum myndbandsbúnað, sitjandi í fangaklefa. Samkvæmt frétt The Times um málið var búist við því að Touré myndi hringja sig inn af sjúkrahúsi en ekki úr fangelsi.

Þó voru stjórnarmenn hjá FIFA fullkomnlega meðvitaðir um ákærur á hendur Touré en hann var malísk stjórnvöld kærðu hann í ágúst í fyrra. Um mánuði síðar var hann endurkjörinn sem forseti malíska knattspyrnusambandsins með 61 atkvæði gegn einu, en hann var eini aðilinn í framboði.

Touré er einnig meðlimur í framkvæmdanefnd Afríska knattspyrnusambandsins, CAF, en forseti þess sambands hefur barist gegn kærum á hendur malíska formanninum. Malíska knattspyrnusambandið segir kæruna drifna áfram af pólitískum andstæðingum Touré og Patrice Motsepe, forseti CAF, segir afríska sambandið vera í stanslausum samskiptum við yfirvöld í Malí í von um að losa Touré úr fangelsi.

FIFA Fótbolti

Tengdar fréttir

Átti að hreinsa upp skítinn en fær nú hæli í Katar

„Einbeitið ykkur að fótboltanum“ sagði Gianni Infantino, forseti FIFA, í bréfi til þátttökuþjóða á HM í Katar tæpum þremur vikum fyrir upphafsflaut mótsins sem hefst á sunnudaginn kemur. FIFA hefur dregið í land með ýmis loforð fyrir mótið og lítið pláss virðist vera fyrir mannréttindamál hjá forseta sem á nú hæli í gestgjafaríkinu.

Vika gaslýsingar hjá FIFA

Alþjóðaknattspyrnusambandið, FIFA, er sakað um allsherjar gaslýsingartilburði með sköpun nýrrar stöðu mannréttindafulltrúa hjá sambandinu. Ráðningin kemur upp samhliða nýjum samningum við ríki þar sem mannréttindi eru fótum troðin.

Blatter gagnrýnir Infantino harðlega

Sepp Blatter hefur gagnrýnt eftirmann sinn í embætti forseta FIFA fyrir hugmyndir um að breyta keppnum á vegum sambandsins.

„Sigur vald­hafa og peninga­aflanna á kostnað mikil­vægari þátta“

Í dag ræðst hvort Frakkland eða Argentína verður heimsmeistari í fótbolta. Dregið hefur úr umræðu um ýmis hneyksli tengd heimsmeistaramótinu sem fram fer í Katar eftir því sem liðið hefur á mótið. Fólk hefur gleymt sér í hita leiksins, segir prófessor í félagsfræði við Háskóla Íslands.

Á bak við tjöldin á HM í Katar: Mann­réttinda­brot, í­þrótta­þvottur og spilling

Tuttugasta og annað heimsmeistaramót karla í knattspyrnu, sem hefst í Katar í dag, er ef til vill það umdeildasta sem fram hefur farið hingað til. Mannréttindabrot, dauðsföll verkafólks og spilling er meðal þess sem vakin hefur verið athygli á í tengslum við mótið en umdeild saga þessa móts hófst árið 2010. Ekki í Katar heldur í fundarherbergi í Zurich í Sviss.

Mest lesið


Fleiri fréttir

Sjá meira


×

Mest lesið