Manndráp við Miklubraut: Hinn grunaði úrskurðaður í gæsluvarðhald

Karlmaður á fertugsaldri, sem var handtekinn í gærkvöldi vegna rannsóknar Lögreglunnar á höfuðborgarsvæðinu á manndrápsmáli í Reykjavík, hefur verið úrskurðaður í tveggja vikna gæsluvarðhald, eða til 6. nóvember.

Lögreglu barst tilkynning um alvarlega líkamsárás í áðurnefndu húsi kl. 21.55 í gær. Þegar hún kom á staðinn örskömmu síðar fannst karlmaður um sextugt sem hafði orðið fyrir líkamsárás og var hann úrskurðaður látinn á vettvangi.

Lagt var hald á eggvopn, sem grunur leikur á að hafi verið notað við verknaðinn. Hinn látni bjó í húsinu og meintur gerandi sömuleiðis, en enginn annar er grunaður í málinu.