Stórkostlegt myndband af ömmum í Cards Against Humanity

Það kannast kannski margir við spilið Cards Against Humanity. Vefsíðan Buzzfeed fékk á dögunum þrjár ömmur til liðs við sig til að spila þennan leik.

Hann virkar þannig að þú dregur eitt spjald þar sem sjá má ókláraða setningu. Mótspilararnir eiga síðan að leggja út sitt eigið spil til að klára þá setningu.

Sá sem myndar fyndnustu eða bestu setninguna fær stigið. Oft myndast mjög klúrar setningar í þessu spili og kannski eitthvað sem þessar konur eru ekki vanar.

„Ég vil aldrei sjá þessi spil aftur á ævi minni, ekki einu sinni þegar ég er drukkin, það er ekki þess virði,“ sagði ein amman eftir spilið.

Hér að neðan má sjá myndband af því þegar þær spiluðu.