Sean Kingston kemur fram á balli hjá Versló

Bandaríski rapparinn Sean Kingston mun koma frá fram á balli Verzlunarskóla Íslands í nóvember. Þetta staðfestir Styrmir Elí Ingólfsson, forseti nemendafélagsins, í samtali við Nútímann.

Ballið fer fram í Vodafone-höllinni þann 10. nóvember.

„Fyrir busaballið okkar 10. september myndaðist orðrómur í skólanum um að Sean Kingston væri að koma og spila eftir að þetta tíst birtist á Twitter,“ segir hann og vísar í tíst sem sjá má hér að neðan.

Sean Kingston kemur á Busaballið, heyrðuð það fyrst hér.

— Addi Bomba (@AddiBomba) August 24, 2015

Kingston er heimsþekktur og hvað þekktastur fyrir lögin Beautiful Girls, Beat it og Fire Burning

„Strákurinn sem birti þetta tíst var einfaldlega að grínast á þeim tíma en eftir þetta þá ákváðum við í stjórn NFVÍ að athuga hvort þetta gæti gengið upp,“ segir Styrmir.

„Við búumst við því að það muni seljast upp á ballið mjög hratt enda teljum við að þetta sé frægasti tónlistarmaður sem hefur spilað á menntaskólaballi hér á landi,“ segir hann við Nútímann.

Auglýsing frá Verzló