Hitti Adam Levine eftir að hafa grátið hjónaband hans

Netheimur krúttaði yfir sig fyrir rúmum tveimur vikum er hann fylgdist með hinni þriggja ára Milu brotna niður eftir að móðir hennar tjáði henni að Adam Levine, söngvari Maroon 5, hefði gift sig. Mæðgurnar voru gestir Ellen DeGeneris í síðasta þætti þar sem þær fengu að hitta kappann.

„Við vorum út í búð og ég sagði henni að hann hefði gift sig sem gerði hana alls ekki ánægða,“ sagði móðir stelpunnar í viðtali hjá Ellen. „Við skiptum um umræðuefni en þegar út í bíl var komið þá stóðst ég ekki mátið og sagði henni aftur frá þessu nema í þetta skiptið tók ég það upp.“

Aðspurð sagðist Mila að hún ætlaði að giftast Adam en hún hafði aldrei hitt söngvarann. Það gerðist hins vegar í þættinum en sjarmörinn mættir auðvitað með blóm handa stúlkunni.

Myndbrot úr þætti Ellenar má sjá hér að neðan auk upprunalega myndbandsins af Milu að gráta hjónaband söngvarans.