Fanney og Dísa glæsilegar í Hörpu

Fanney Ingvarsdóttir framkvæmdastjóri Ungfrú Ísland og  Hafdís Jónsdóttir eigandi keppninnar hér á landi ásamt eiginmanni sínum Birni Leifssyni voru stórglæsilegar þegar þær mættu á keppnina í Hörpu í kvöld.

Stelpurnar hafa verið við undirbúning í allt sumar. Þær fengu förðunarþjálfun, þjálfun í sviðsframkomu og framkomu í fjölmiðlum til að mynda. Eins og tilkynnt var í upphafi sumars hefur undirbúningur keppenda verið með breyttu sniði í ár, en skipuleggjendur segja að aukin áhersla verði lögð á þætti á borð við eflingu sjálfsmyndar og framkomu í fjölmiðlum. Hjónin Hafdís Jónsdóttir og Björn Leifsson, kennd við World Class, keyptu keppnina í fyrra. Fanney var Ungfrú Ísland árið 2010.

Þéttsetið er í Silfurbergi þar sem keppnin fer fram. Hér má sjá myndir frá Silfurbergi.

Melkorka Katrín, ljósmyndari Vísis var á staðnum og tók myndirnar.