Elsku þrautgóða meyjan mín. Þetta er tímabil sameiningar. Þú munt ákveða að gifta þig eða ert jafnvel nýbúin að því. Það byrja ný sambönd hjá mörgum meyjunum og þú ert sko tilbúin að ganga inn í ljósið, en þú þarft bara að draga frá gardínurnar.
Þú verður að steinhætta að einblína á það sem setur rugl í hausinn á þér. Ef þér líður illa með hugsanir þínar þá eru þær ekki réttar. Þú vinnur of mikið en ert kvíðin yfir því að þú vinnir ekki nóg. Þú ert akkúrat týpan sem gæti sett upp fyrirtæki og ráðið þig sjálfa í vinnu.
Þú ert komin inn í tímabil þar sem þú átt eftir að sjá að þú ert að gera vel. Hlustaðu vel á þá sem tala við þig, þeir eru sendiboðar. Orðið sendiboði þýðir engill og það er verið að senda fólk til þín til að sýna þér hvaða leið þú átt að fara.
Það er mjög algengt að meyjan hafi meðvirkni með sér í lífspartýinu. Það er gott og blessað en þú þarft fyrst og fremst að sjá næstu skref hjá sjálfri þér. Þú ert að fagna og munt halda upp á hlutina og lífið í september. Þess vegna mun ríkja svo mikil orka þangað til og hún mun sýna þér að þú átt inni þennan fögnuð.
Mottó: Réttir hlutir gerast á réttum tíma.
Frægar meyjur: Ragna Lóa Stefánsdóttir íþróttakona, Manúela Ósk fyrirsæta, Björk Eiðsdóttir ritstýra, Andrea fatalistamaður, Claudia Schiffer fyrirsæta, Edda Björgvinsdóttir leikkona, Herdís Jóhannesdóttir athafnakona, Beyoncé Knowles söngkona, Gylfi Þór Sigurðsson, Eiður Smári Guðjohnsen.
