Júlíspá Siggu Kling - Naut: Ekki eftir neinu að bíða

Elsku litríka naut. Það er ekki eftir neinu að bíða, jafnvægið sem þú þurftir á að halda er komið inn. Flest það sem þú hafðir áhyggjur af er búið að leysast. Þú ert að fara yfir á tíma þar sem þú munt sjá hvað þú átt sterka vini og hvað fólk er gott við þig. Það er mjög margt í kringum þig sem þú átt að ganga frá eða ljúka en það eru bara lítil verkefni sem þú getur gert með annarri. Allt hefur sinn tíma og núna er ekki rétti tíminn til að vera í öllu!

Fjölskyldan er svo sterkt inni og það er hún sem skiptir öllu máli þegar upp er staðið. Þú þarft að gera eitthvað sérstakt fyrir hana og vera til staðar númer eitt, tvö og þrjú. Það eru miklir erfiðleikar að hrjá náinn vin þinn og það er þitt að hlúa að honum. Þá sérðu líka hversu gott þú hefur það.

Þú ert búinn að standa þig betur en þú bjóst við tilfinningalega og þetta verður eitthvað svo ljómandi skemmtilegt ferðalag hjá þér í júlí en það er mánuðurinn sem mun gefa þér létti í hjarta. Júlí verður kannski ekki mánuðurinn þar sem þú munt taka allar stóru ákvarðanirnar, en hann er mánuðurinn sem þú fyllir orku á tankinn og sýnir öðrum að þú ert með þennan „x-faktor“ sem fólk öfundar þig dálítið af.

Í ástinni býrðu yfir svo miklum töfrum en ert samt eins og lítill hræddur héri þegar eitthvað á að gerast. Elsku þú, sem ert á lausu, farðu og skrifaðu ástarsögustiklu. Því í júlí og byrjun ágúst eru svo ótrúlega spennandi hlutir að gerast hjá þér, hjartað mitt. Vertu með opin augu og líttu í kringum þig og segðu kannski „ESSASÚ!“. En ef þú ert í sambandi, elsku hjartans nautið mitt, þá er það það sem gildir. Því ef þú hefur einhvern tímann haft sterkar tilfinningar til maka þíns þá geturðu alltaf náð í þær aftur. Hugsaðu hvers vegna þú varðst ástfanginn af honum og sæktu þær tilfinningar aftur. Ástin er vinna, eins og lífið allt.

Það er mikil lækningaorka yfir nautsmerkinu og ég sé að margir eiga eftir að verða svo fegnir og þakklátir.

Mottó: Ef maður þakkar fyrir það sem maður hefur, þá alheimskrafturinn meira gefur.

Frægir í nautinu: Svali Kaldalóns fjölmiðlamógúll, Guðrún Veiga Guðmundsdóttir rithöfundur og latikokkur, Ellý Ármanns fjölmiðlakona, Friðrik Þór Friðriksson leikstjóri, Valtýr Björn Valtýsson íþróttafréttamaður, Ólafur Ragnar Grímsson forseti, Álfheiður Ingadóttir þingkona, Halldór Laxness rithöfundur og skáld, Rúnar Freyr Gíslason leikari, Garðar Thor Cortes söngvari, Helga Möller söngkona, Egill Gillz Einarsson.