Forsíður bresku blaðanna

Forsíður blaðanna í Bretlandi nú í morgun þóttu margar hverjar hárbeittar. Á flestum þeirra er fjallað um sigur David Cameron og Íhaldsflokksins af hlutlausum hátt, en á öðrum er ekki hikað við að taka afstöðu með niðurstöðum kosninganna.

Þá eru aðrir sem sýna kosningunum minni áhuga en hinir.

Forsíða Daily Mirror þykir þó hvað beittust. Efst á henni stendur: „Condemned again...“ eða „Fordæmd aftur...“ Á síðunni sem er svört stendur svo stórum hvítum stöfum: „Five more damned years“ eða „Fimm fjandans ár í viðbót“

Daily Star fer aðra leið og er stærsta frétt þeirra um að einhver hafi orðið fyrir áreiti á kjörstað. Þá birta þeir mynd af fáklæddri Michelle Keegan.

Independent fjallar um að Cameron taki nú við stjórn sundraðs konungsveldis. Þjóðarflokkurinn í Skotlandi, sem er hliðhollur því að Skotland slíti sig frá Bretlandi náði 56 mönnum á þing af 59 mögulegum.

Hjá Daily Mail virðast menn vera ánægðir með sigur Íhaldsflokksins. Á forsíðu blaðsins stendur stórum stöfum: „Hallelujah! Britain votes for sanity“ eða „Hallelujah! Bretland kýs andlegt heilbrigði.“