Golf

Íslandsmótið í golfi fer fram á Garðavelli á Akranesi

Óskar Ófeigur Jónsson skrifar
Ólafía Þórunn Kristinsdóttir úr Golfklúbbi Reykjavíkur og Birgir Leifur Hafþórsson úr Golfklúbbi Kópavogs unnu Íslandsmótið í fyrra.
Ólafía Þórunn Kristinsdóttir úr Golfklúbbi Reykjavíkur og Birgir Leifur Hafþórsson úr Golfklúbbi Kópavogs unnu Íslandsmótið í fyrra. Mynd/GSÍmyndir.net
Golfsamband Íslands hefur nú birt mótaskrá sína fyrir sumarið 2015 en Íslandsmótið í höggleik fer fram á Akranesi í fyrsta sinn í ellefu ár. Þetta kemur fram í fréttatilkynningu frá GSÍ.



Eimskipsmótaröðin hefst 23. maí á Hólmsvelli í Leiru. Næst er ferðinni svo heitið til Vestmannaeyja en þar verður leikið dagana 29. til 31. maí. Hlíðavöllur kemur nýr inn á mótaröð þeirra bestu en þriðja mót sumarsins verður í umsjá Golfklúbbs Mosfellsbæjar dagana 12. til 14. júní.



Íslandsmótið í holukeppni fer fram 19.til 21. júní en að þessu sinni er leikið á Jaðarsvelli og í umsjá Golfklúbbs Akureyrar.



Sjálft Íslandsmótið í golfi hefst svo 23. júlí á Garðavelli Akranesi en síðast var mótið leikið þar árið 2004. Golfklúbburinn Leynir fagnar í ár 50 ára afmæli sínu en klúbburinn var stofnaður 15. mars 1965.



Lokamót Eimskipsmótaraðarinnar verður svo leikið á Urriðavelli hjá Golfklúbbnum Oddi dagana 22.til 23. ágúst.

 

Á Íslandsbankamótaröðinni eru sex mót líkt og í fyrra en það fyrsta hefst 23. maí á Garðavelli hjá Golfklúbbnum Leyni.



Líkt og í fyrra leikur flokkur 17 til 18 ára 54 holur en nú verða öll mótin leikin með því fyrirkomulagi að undanskildu Íslandsmótinu í holukeppni, en þetta er gert vegna reglna um heimslista áhugamanna.



Keppendur í þessum flokki munu því hefja leik degi fyrr en aðrir keppendur.



Áskorendamótaröð Íslandsbanka hefst 23. maí á Kálfatjarnarvelli hjá Golfklúbbi Vatnsleysustrandar,




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.