Tíu menn í lífstíðarfangelsi fyrir árásina á Malölu

Dómstóll í Pakistan hefur dæmt tíu menn í lífstíðarfangelsi fyrir árásina á baráttukonuna Malölu Yousafzai árið 2012. Daily Pakistan greinir frá þessu.

Malala var fimmtán ára gömul þegar hún var skotin í höfuðið af liðsmönnum Talibana í Pakistan þann 12. október 2012. Læknum tókst að fjarlægja kúluna og þannig bjarga lífi hennar.

Hún hefur vakið heimsathygli fyrir baráttu fyrir rétti stúlkna til menntunar.

Malala og Indverjinn Kailash Satyarthi hlutu friðarverðlaun Nóbels á síðasta ári.