Nýtt myndband frá Par-Ðar

Íslenska sveitin Par-Ðar var að gefa frá sér nýtt myndband við lagið I Don't Know Who I Am en um er að ræða nýja og spennandi hljómsveit sem spilar sækadelíu á einstakan hátt.

Áhrifavaldar hljómsveitarinnar eru umhverfið, fegurðin, ljótleikinn og lífið. Öll tónlist og öll hljóð hafa áhrif á okkur sem einstaklinga og Par-Ðar leitast eftir að búa til komposisjón sem leyfir hlustandanum að finna það fallega í sjálfum sér og lífinu. Allt hefur áhrif.

I Don't Know Who I Am  er fyrsta lagið sem hljómsveitin gefur frá sér af þessari tíu laga plötu sem mun bera nafnið Upplifun. Hún verður fyrsta plata sveitarinnar og kemur hún út á vínyl í maí 2016.