Lærisveinar Patreks sóttu sigur til Finnlands

Lærisveinar Patreks Jóhannessonar sóttu í dag sigur til Finnlands í fyrsta stigi undankeppni HM 2017 í Frakklandi en Austurríki hefur nú unnið báða leiki riðilsins hingað til.

Austurríki er í riðli með Ítalíu, Finnlandi og Rúmeníu en Austurríki vann fyrsta leik sinn í riðlinum, 27-24, gegn Rúmeníu á dögunum.

Austurríki var yfir í hálfleik 13-11 og bætti við forskot sitt í seinni hálfleik og vann að lokum þriggja marka sigur, 32-29.

Gerald Zeiner var atkvæðamestur í austurríska liðinu en í liði heimamanna í Finnlandi var það Teemu Tamminen sem var allt í öllu með ellefu mörk.