Alfreð nælir í þýskan landsliðsmarkvörð

Þýska liðið Kiel hefur samið við markvörðinn Andreas Wolff en hann kemur samt ekki til liðsins fyrr en eftir eitt og hálft ár.

Hinn 24 ára gamli Wolff er á mála hjá Wetzlar og er kominn í þýska landsliðið hjá Degi Sigurðssyni.

Það er engin nýlunda í handboltaheiminum að leikmenn semji svona fram í tímann. Er Wolff kemur loksins til Kiel þá verður hann þar hið minnsta í þrjú ár.

„Andreas Wolff hefur verið mjög stöðugur í markinu hjá Wetzlar og landsliðinu. Við erum sannfærðir um að hann geti tekið skref fram á við hjá okkur. Þetta er framtíðarmarkvörður landsliðsins," sagði Alfreð Gíslason, þjálfari Kiel.