ISIS-liðar segjast munu ráðast á Rússland „innan skamms“

Liðsmenn ISIS hafa birt nýtt myndband þar sem verið er að hóta að árásir verði gerðar í Rússlandi „innan skamms“.

Reuters greinir frá því að í myndbandinu segi að brátt muni „blóð renna líkt og haf“, en ISIS hefur áður kallað eftir að árásir verði gerðar í Rússlandi og Bandaríkjunum vegna loftárása þeirra á skotmörk ISIS í Sýrlandi.

Leyniþjónustur Vesturveldanna gruna liðsmenn ISIS um að hafa komið fyrir sprengju í rússneskri farþegaflugvél sem hrapaði á Sinai-skaga í Egyptalandi fyrir tveimur vikum.