Glataði snjallsíma á skemmtistað og fékk að kenna á því - Myndband

Það kannast kannski sumir við það að gleyma símanum sínum á skemmtistað. Stundum er honum hreinlega stolið eða góðhjartað fólk fer með hann til næsta starfsmanns og hann geymdur þar til einhver kemur og sækir hann.

Í bænum Launceston  í Ástralíu fann maður síma inni á klósetti á bar. Hann ákvað aftur á móti að taka upp skemmtilegt myndband á símann áður en hann skilaði honum til starfsfólks staðarins.

Myndbandinu hefur nú verið hlaðið inn á Youtube af eiganda símans og er það nokkuð spaugilegt. Þar má sjá heilan vinahóp fara á kostum og gera óspart grín af eigandanum.