Ók með 13 ára son sinn án öryggisbelta

Lögreglan á höfuðborgarsvæðinu stöðvaði ökumann um klukkan 12 í dag sem var á ferðinni í Hafnarfirði með 13 ára son sinn án öryggisbelta. Bíllinn var óskráður og ótryggður.

Stuttu síðar stöðvaði lögreglan akstur annarrar bifreiðar sem var vanbúin til aksturs. Ökumaðurinn ók of hratt og var ökuskírteinið hans var útrunnið. Skráningarnúmerin voru tekin af bifreiðinni og ökumaðurinn kærður vegna hraðaakstursins.

Þá var tilkynnt um þjófnað í verslun í Kópavogi rétt fyrir klukkan 15 í dag. Einnig var tilkynnt um innbrot í bifreið í Reykjavík og rúðubrot í bifreið í Kópavogi.