Írsku tvíburarnir drukknuðu næstum því

Popptvíburarnir John og Edward, sem ganga ávallt undir listamannsnafninu Jedward, komust í hann krappann við strendur Dyflinnar á Írlandi á þriðjudag.

Tvíburunum var bjargað af þyrlu eftir að þeir lentu í vandræðum í göngutúr með frændsystkini sínu. Urðu þeir strandaglópar á ströndinni og má þakka hröðum viðbrögðum strandgæslunnar fyrir að ekki fór verr fyrir tvíburunum en móðir þeirra hringdi á gæsluna þegar hún sá að synir sínir voru í vanda staddir.

„Þetta var hræðilegt. Þeir enduðu í hálfgerðu kviksyndi sem var umkringt vatni. Þetta hefði getað orðið hræðileg harmsaga,“ segir móðir þeirra Susanna í samtali við breska blaðið Mirror.