Húseigandinn lét færa milljóna tekjur yfir á sinn eigin reikning Fanney Birna Jónsdóttir skrifar 18. desember 2014 07:00 Yfirtaka á húsnæði veitingastaðarins Caruso í Þingholtsstræti var kærð til lögreglu sem getur þó ekkert aðhafst að svo stöddu í málinu. Fréttablaðið/Stefán Eigandi húsnæðis, þar sem veitingastaðurinn Caruso er til húsa, fékk allar debetkortagreiðslur, sem viðskiptavinir veitingastaðarins greiddu, færðar yfir á reikning sinn án nokkurrar heimildar frá eiganda veitingastaðarins. Samtals fékk eigandinn á reikning sinn tæpar átta milljónir króna greiðslukortaviðskipta.Eins og Fréttablaðið greindi frá í gær hafa aðilarnir átt í deilum um nokkurt skeið sem endaði með því að José Garcia, eigandi Caruso, og starfsfólk hans var læst úti af staðnum í fyrradag af húseigandanum sem yfirtók húsið.Sjá einnig:Rekstur Caruso lamaður eftir yfirtöku Þetta eru ekki einu deilurnar sem þessir aðilar hafa staðið í. Í júlí í fyrra komst José að því að eigandinn hafði leitað til Borgunar og beðið um að allar greiðslur viðskiptavina Caruso sem framkvæmdar voru með debetkortum yrðu færðar yfir á reikning hans. Tryggingar húseigandans fyrir leigunni höfðu fram að þessu verið með þeim hætti að kreditkortagreiðslur í lok hvers mánaðar voru færðar á reikning eigandans sem síðan millifærði þær á reikning Josés eftir að hafa dregið leigugreiðslurnar frá. Á þessum grundvelli lét húseigandinn færa debetgreiðslurnar yfir á sig. Færslurnar fengust ekki bakfærðar frá eigandanum og var José því á endanum nauðbeygður til að skipta út öllu posakerfi sínu. Með því að skipta um posakerfi svipti José húseigandann aðgangi að bæði kredit- og debetkortainnkomu veitingahússins. Þannig féll niður tryggingin fyrir leigugreiðslunum og í staðinn bauð José nýjar tryggingar í formi bankaábyrgðar. Því tilboði var ekki tekið heldur greip húseigandinn til þess ráðs að líta á þetta sem riftun á leigusamningi og á þeim grundvelli höfðaði hann dómsmál til að krefjast útburðar Josés af veitingastaðnum. Því máli tapaði húseigandinn í Hæstarétti. Húseigandinn höfðaði annað mál og var það í ferli fyrir dómstólum í fyrradag þegar eigendur hússins, Jón Ragnarsson og sonur hans Valdimar Jónsson, ákváðu að ráðast inn í húsið, skipta um lása og byggja vegg í baksundi til að varna starfsmönnum veitingahússins inngöngu. Lögmaður Josés kærði þennan gjörning til lögreglu. Lögreglan fór inn í húsnæði Caruso í gær þar sem eigandi hússins hefur komið sér fyrir og ráðið sér þrekinn öryggisvörð til að gæta staðarins. Þegar lögreglan mætti á svæðið í gær höfðu starfsmenn Caruso safnast saman fyrir framan staðinn þar sem þeir freistuðu þess að fá afhentar persónulegar eigur sínar sem enn þá eru inni á staðnum. Lögreglan kvaðst ekkert geta að gert fyrr en niðurstaða væri komin í dómsmálið þar sem hún gæti ekki blandað sér í einkadeilur. Það var því niðurlútur hópur fyrrverandi starfsmanna Caruso sem þurfti frá að hverfa og lúta því annan daginn í röð að eigur þeirra væru fastar inni á staðnum. Ekki er útséð með hvort og hvernig þeir munu geta nálgast þær. Lögmaður eigenda húsnæðisins, Steinbergur Finnbogason, mætti síðan í héraðsdóm í gær og féll frá málshöfðuninni. Ástæðan var sú að þeir hefðu ekki lengur lögvarða hagsmuni af því að halda áfram, þar sem þeir væru jú komnir með yfirráð fyrir húsinu.Ómar Örn Bjarnþórsson, lögmaður José Garcia.„Leigusali telur sig á einhvern hátt hlunnfarinn í viðskiptum sínum við umbjóðanda minn. Það er ekki rétt og hefur verið staðfest af dómstólum. Nú virðist hann hafa gefist upp á því að leita réttar síns fyrir dómi og þess í stað tekið sér fógetavald og hefst nú við í eigninni í heimildarleysi. Ég hafði því ekki önnur úrræði eins og staðan var en að kæra þetta til lögreglu og er málið komið í ferli þar. Vonandi getur lögreglan tekið málið fyrir sem fyrst og hleypt umbjóðanda mínum og starfsfólkinu inn í eignina,“ segir Ómar Örn Bjarnþórsson, lögmaður Josés. Mest lesið Hættur við að styðja Höllu Hrund Innlent Segir upp hjá RÚV og snýr sér að pólitík Innlent „Ég held að Landskjörstjórn þurfi að endurskoða sína lögfræðiþekkingu“ Innlent Forsetavaktin 2024: Hver verður sjöundi forseti lýðveldisins? Innlent Dramatík þegar tveimur var tilkynnt um ólögleg framboð Innlent Viktor og Kári heltast úr lestinni Innlent Guðrún á Glitstöðum segir vaðið yfir vilja almennings Innlent Halla Hrund fremst í nýrri könnun og Katrín dottin niður í þriðja sæti Innlent Helmingurinn af búslóðinni í ruslið Innlent Boða verkfallsaðgerðir á Keflavíkurflugvelli í maí Innlent Fleiri fréttir Spurningar til Baldurs minni á árið 1980 Veðmálaauglýsingar með stærstu stjörnum landsins „fá að grassera“ Utankjörfundaratkvæðagreiðsla hefst í síðasta lagi á fimmtudag Aðalsöngvari the Commitments stígur á svið í Háskólabíói Samningar við sjómenn til níu ára í höfn Vinstri græn aldrei með minna fylgi Þættirnir rími við margt í raunveruleikanum Ógild framboð, flug í lamasessi og draumaferð í Disney „Ég held að Landskjörstjórn þurfi að endurskoða sína lögfræðiþekkingu“ Hættur við að styðja Höllu Hrund Meðferðarstöðinni Vík lokað í sumar Boða verkfallsaðgerðir á Keflavíkurflugvelli í maí Kjörinn heiðursmeðlimur í bandarísku lista- og vísindaakademíuna Guðrún á Glitstöðum segir vaðið yfir vilja almennings Helmingurinn af búslóðinni í ruslið Fyrstu tilnefningar til Vigdísarverðlauna Evrópuráðsþingsins kynntar á Alþingi Segir upp hjá RÚV og snýr sér að pólitík Ellefu verða í framboði til embættis forseta Íslands Landlæknir fer með ákvörðun Persónuverndar fyrir dóm Stór hópur fanga sem ekki treystir stofnunum Viktor og Kári heltast úr lestinni Ástand hinnar látnu bar þess merki að henni hefði verið ráðinn bani Dramatík þegar tveimur var tilkynnt um ólögleg framboð Best ef forseti hefur ekki verið í stjórnmálastarfi Ráðherra kynnir nýtt mælaborð farsældar barna Skjálfti við Bláfjöll í morgun og óbreytt við Sundhnúk Ætlaði að ganga frá álverinu og upp á Keflavíkurflugvöll Halla Hrund fremst í nýrri könnun og Katrín dottin niður í þriðja sæti Vopnuð rán tíðari en fólk gerir sér grein fyrir Óttast að saga slökkviliða á Íslandi glatist Sjá meira
Eigandi húsnæðis, þar sem veitingastaðurinn Caruso er til húsa, fékk allar debetkortagreiðslur, sem viðskiptavinir veitingastaðarins greiddu, færðar yfir á reikning sinn án nokkurrar heimildar frá eiganda veitingastaðarins. Samtals fékk eigandinn á reikning sinn tæpar átta milljónir króna greiðslukortaviðskipta.Eins og Fréttablaðið greindi frá í gær hafa aðilarnir átt í deilum um nokkurt skeið sem endaði með því að José Garcia, eigandi Caruso, og starfsfólk hans var læst úti af staðnum í fyrradag af húseigandanum sem yfirtók húsið.Sjá einnig:Rekstur Caruso lamaður eftir yfirtöku Þetta eru ekki einu deilurnar sem þessir aðilar hafa staðið í. Í júlí í fyrra komst José að því að eigandinn hafði leitað til Borgunar og beðið um að allar greiðslur viðskiptavina Caruso sem framkvæmdar voru með debetkortum yrðu færðar yfir á reikning hans. Tryggingar húseigandans fyrir leigunni höfðu fram að þessu verið með þeim hætti að kreditkortagreiðslur í lok hvers mánaðar voru færðar á reikning eigandans sem síðan millifærði þær á reikning Josés eftir að hafa dregið leigugreiðslurnar frá. Á þessum grundvelli lét húseigandinn færa debetgreiðslurnar yfir á sig. Færslurnar fengust ekki bakfærðar frá eigandanum og var José því á endanum nauðbeygður til að skipta út öllu posakerfi sínu. Með því að skipta um posakerfi svipti José húseigandann aðgangi að bæði kredit- og debetkortainnkomu veitingahússins. Þannig féll niður tryggingin fyrir leigugreiðslunum og í staðinn bauð José nýjar tryggingar í formi bankaábyrgðar. Því tilboði var ekki tekið heldur greip húseigandinn til þess ráðs að líta á þetta sem riftun á leigusamningi og á þeim grundvelli höfðaði hann dómsmál til að krefjast útburðar Josés af veitingastaðnum. Því máli tapaði húseigandinn í Hæstarétti. Húseigandinn höfðaði annað mál og var það í ferli fyrir dómstólum í fyrradag þegar eigendur hússins, Jón Ragnarsson og sonur hans Valdimar Jónsson, ákváðu að ráðast inn í húsið, skipta um lása og byggja vegg í baksundi til að varna starfsmönnum veitingahússins inngöngu. Lögmaður Josés kærði þennan gjörning til lögreglu. Lögreglan fór inn í húsnæði Caruso í gær þar sem eigandi hússins hefur komið sér fyrir og ráðið sér þrekinn öryggisvörð til að gæta staðarins. Þegar lögreglan mætti á svæðið í gær höfðu starfsmenn Caruso safnast saman fyrir framan staðinn þar sem þeir freistuðu þess að fá afhentar persónulegar eigur sínar sem enn þá eru inni á staðnum. Lögreglan kvaðst ekkert geta að gert fyrr en niðurstaða væri komin í dómsmálið þar sem hún gæti ekki blandað sér í einkadeilur. Það var því niðurlútur hópur fyrrverandi starfsmanna Caruso sem þurfti frá að hverfa og lúta því annan daginn í röð að eigur þeirra væru fastar inni á staðnum. Ekki er útséð með hvort og hvernig þeir munu geta nálgast þær. Lögmaður eigenda húsnæðisins, Steinbergur Finnbogason, mætti síðan í héraðsdóm í gær og féll frá málshöfðuninni. Ástæðan var sú að þeir hefðu ekki lengur lögvarða hagsmuni af því að halda áfram, þar sem þeir væru jú komnir með yfirráð fyrir húsinu.Ómar Örn Bjarnþórsson, lögmaður José Garcia.„Leigusali telur sig á einhvern hátt hlunnfarinn í viðskiptum sínum við umbjóðanda minn. Það er ekki rétt og hefur verið staðfest af dómstólum. Nú virðist hann hafa gefist upp á því að leita réttar síns fyrir dómi og þess í stað tekið sér fógetavald og hefst nú við í eigninni í heimildarleysi. Ég hafði því ekki önnur úrræði eins og staðan var en að kæra þetta til lögreglu og er málið komið í ferli þar. Vonandi getur lögreglan tekið málið fyrir sem fyrst og hleypt umbjóðanda mínum og starfsfólkinu inn í eignina,“ segir Ómar Örn Bjarnþórsson, lögmaður Josés.
Mest lesið Hættur við að styðja Höllu Hrund Innlent Segir upp hjá RÚV og snýr sér að pólitík Innlent „Ég held að Landskjörstjórn þurfi að endurskoða sína lögfræðiþekkingu“ Innlent Forsetavaktin 2024: Hver verður sjöundi forseti lýðveldisins? Innlent Dramatík þegar tveimur var tilkynnt um ólögleg framboð Innlent Viktor og Kári heltast úr lestinni Innlent Guðrún á Glitstöðum segir vaðið yfir vilja almennings Innlent Halla Hrund fremst í nýrri könnun og Katrín dottin niður í þriðja sæti Innlent Helmingurinn af búslóðinni í ruslið Innlent Boða verkfallsaðgerðir á Keflavíkurflugvelli í maí Innlent Fleiri fréttir Spurningar til Baldurs minni á árið 1980 Veðmálaauglýsingar með stærstu stjörnum landsins „fá að grassera“ Utankjörfundaratkvæðagreiðsla hefst í síðasta lagi á fimmtudag Aðalsöngvari the Commitments stígur á svið í Háskólabíói Samningar við sjómenn til níu ára í höfn Vinstri græn aldrei með minna fylgi Þættirnir rími við margt í raunveruleikanum Ógild framboð, flug í lamasessi og draumaferð í Disney „Ég held að Landskjörstjórn þurfi að endurskoða sína lögfræðiþekkingu“ Hættur við að styðja Höllu Hrund Meðferðarstöðinni Vík lokað í sumar Boða verkfallsaðgerðir á Keflavíkurflugvelli í maí Kjörinn heiðursmeðlimur í bandarísku lista- og vísindaakademíuna Guðrún á Glitstöðum segir vaðið yfir vilja almennings Helmingurinn af búslóðinni í ruslið Fyrstu tilnefningar til Vigdísarverðlauna Evrópuráðsþingsins kynntar á Alþingi Segir upp hjá RÚV og snýr sér að pólitík Ellefu verða í framboði til embættis forseta Íslands Landlæknir fer með ákvörðun Persónuverndar fyrir dóm Stór hópur fanga sem ekki treystir stofnunum Viktor og Kári heltast úr lestinni Ástand hinnar látnu bar þess merki að henni hefði verið ráðinn bani Dramatík þegar tveimur var tilkynnt um ólögleg framboð Best ef forseti hefur ekki verið í stjórnmálastarfi Ráðherra kynnir nýtt mælaborð farsældar barna Skjálfti við Bláfjöll í morgun og óbreytt við Sundhnúk Ætlaði að ganga frá álverinu og upp á Keflavíkurflugvöll Halla Hrund fremst í nýrri könnun og Katrín dottin niður í þriðja sæti Vopnuð rán tíðari en fólk gerir sér grein fyrir Óttast að saga slökkviliða á Íslandi glatist Sjá meira