Heilsa

Skúffukaka með saltri karamellu frá Heilsugenginu

Rikka skrifar
Ljúffeng kaka
Ljúffeng kaka visi/jkh

Söng- og leikkonan Bryndís Ásmundsdóttir er með fjölhæfari skemmtikröftum landsins en hún er jafnvíg á leiklist og söng auk þess sem hún er með vinsælli skemmtanastjórum landsins. Lífið er þó ekki alltaf dans á rósum hjá þessari fjölhæfu konu en hún upplifði andlegt og líkamlegt gjaldþrot fyrir stuttu. Hún tók þá ákvörðun að fara inn á Heilsustofnunina í Hveragerði með því markmiði að breyta gjörsamlega um lífsstíl sem henni tókst. Bryndís kom í heimsókn til Heilsugengisins á Stöð 2 í gærkvöldi og sagði sína sögu.

Solla Eiríks töfraði fram þessa girnilegu skúffuköku sem gleður sál og líkama.

Skúffukaka með saltri karamellu

150 g dökkt súkkulaði

150 g kókosolía, má líka nota smjör

3 egg

250 g kókospálmasykur

1 tsk. lífrænir vanilludropar

100 g spelt eða glútenlaust mjöl

1 dl valhnetur, smátt saxaðar

Sölt karamella

2 msk. möndlusmjör

1/3 dl kókosolía

2/3 dl sæta, til dæmis hlynsíróp eða kókospálmasykur

1 tsk. salt

Allt sett í blandara og blandað vel saman

Bræðið súkkulaði og olíu saman yfir vatnsbaði og kælið stutta stund. Hrærið eggjunum saman við ásamt sykrinum, vanilludropum og speltinu. Hellið deiginu í skúffukökuform, hellið karamellunni yfir ásamt valhnetunum og bakið í 22 mínútur við 165°C.


Tengdar fréttir

Dýrindis súkkulaðimús

Björg Ingadóttur, fatahönnuður og eigandi Spakmannsspjara, kom í heimsókn til Heilsugengisins í þætti þess sem sýndur var á Stöð 2 í gærkvöldi. Solla Eiríks bjó til fyrir hana þessa dýrindis súkkulaðimús sem er sérstök fyrir það að vera búin til úr lárperum en ekki rjóma eins og þessi hefðbundna. Það er því hægt að njóta þessarar án samviskubits

Bráðhollt og bragðgott rauðrófusalat

Í síðasta þætti af Heilsugenginu var Halldóra Sigurdórsdóttir heimsótt, en hún var sárþjáð af vefjagigt og öðrum kvillum.






Fleiri fréttir

Sjá meira


×