"Ég á EKKI son“

Rob Kardashian, bróðir Kardashian-systranna, kom aðdáendum sínum í opna skjöldu á Twitter í vikunni þegar hann skrifaði að hann hlakkaði til að eyða þjóðhátíðardegi Bandaríkjamanna með syni sínum.

Rob var fljótur að leiðrétta misskilninginn og fullvissaði fylgjendur sína að hann hefði bara verið að grínast.

„Þeir sem þekkja mig vita að ég grínast og ég á EKKI son,“ skrifar Rob og bætir við að tölvupóstar hafi hrúgast inn frá móður sinni um tístið.

Rob er mjög opinskár á Twitter og hefur meðal annars úthúðað fjölmiðlum fyrir að vera alltaf að skrifa eitthvað bull um hann.

Rob er yngri bróðir þeirra Khloe, Kourtney og Kim og sonur Kris Jenner og Robert Kardashian sem skildu þegar Rob var barnungur.

Those who know me know I play and I do NOT have a Son. Y'all got my mama emailing me asking if I have a Son lol goodness hahaha. GOODnight

— ROBERT KARDASHIAN (@robkardashian) July 4, 2014