Vélarbilun um borð í bát við Landeyjarhöfn

Skipstjóri á fjögurra tonna bát hafði samband við stjórnstöð Landhelgisgæslunnar rétt eftir klukkan fimm í dag og upplýsti um vélarbilun um borð.

Báturinn var við mælingastörf austur af Landeyjahöfn og var óskað eftir aðstoð, þar sem báturinn var einungis 700 metra frá landi.

Kallað var út til báta í nágrenni, og óskað eftir þeirra aðstoð, og héldu þau áleiðis að bátnum. Einnig voru kallaðar út Björgunarsveitir frá nærliggjandi svæðum, til aðstoðar.

Um klukkan hálf sex upplýsti skipstjóri Stjórnstöð LHG að hann hefði náð vél í gang, og myndi dóla sér undir eigin vélarafli inn til Landeyjahafnar.

Dýpkunarskip sem hafði haldið til aðstoðar frá Landeyjahöfn, hélt áfram til móts við bátinn, og var komið að honum um kl 17:33, voru þá aðrar bjargir, skip og björgunarsveitir, afturkallaðar.