Tognaði á ökkla við myndatöku Lilja Björk Hauksdóttir skrifar 10. janúar 2014 12:00 Átján ár eru síðan Sighvatur settist fyrst við hljóðnemann á FM957. Hann starfar enn við útvarp en nú á RÚV. Sighvatur Jónsson er mörgum kunnur úr fjölmiðlum en hann fagnaði átján ára „útvarpsafmæli“ sínu á dögunum. Sighvatur eða Hvati eins og hann er kallaður byrjaði að vinna á FM957 þann 8. janúar 1996. „Á hverju ári þakka ég Bússa, Birni Þóri Sigurðssyni, fyrir að hafa ráðið mig og hugsa sérstaklega hlýtt til allra þeirra sem ég vann með á FM og á fleiri útvarpsstöðvum. Þann 8. janúar fer ég alltaf í minningabankann og rifja upp skemmtilegar minningar frá ferlinum. Þessi dagur fyrir átján árum er alltaf eftirminnilegur, þetta var mánudagur en ég hafði kíkt við í vinnunni á föstudeginum því hjátrúin segir að ekki eigi að byrja í vinnu á mánudegi. Þá hafði ég fengið notendahandbók fyrir klippitölvuna, sem var þá nýkomin, í hendur og sat yfir henni um helgina. Ég var lengi búinn að fikta við hljóðvinnslu en pabbi var rafeindavirki og hann gaf mér lítinn sendi þegar ég var um 12 ára. Ég fór svo að senda yfir til nágranna míns og þeir sátu þar og hlustuðu á mig, vinur minn og bróðir hans. Þeir tveir voru því fyrstu hlustendurnir mínir.“ Stafræna byltingin Þegar Sighvatur byrjaði í útvarpi var stafræna byltingin sem orðið hefur á síðustu árum að byrja. „Ég kom inn í þennan bransa þegar menn voru að hætta að nota spólur og klippitölvurnar orðnar allsráðandi. Ég og félagi minn í Eyjum höfðum rekið litla útvarpsstöð í samstarfi við FM957 sumrin 1993 og 1994. Sumarið á eftir tóku aðrir við rekstrinum en ég sá eingöngu um hljóðvinnslu og tæknimál. Ég hef alltaf verið græjufíkill en ég sakna þess að hafa ekki komið aðeins fyrr inn í bransann og kynnst spóluvinnslunni. Þetta er allt annað og auðveldara í dag. Í stað þess að þurfa að klipppa saman efni af mörgum spólum sem þarf kannski að sækja hingað og þangað gerist þetta allt í tölvunni.“ Sjálfstæður Sighvatur starfar í dag sem sjálfstæður framleiðandi og rekur fyrirtækið Sigva Media. Stærsta verkefnið hans til þessa er heimildarmynd um Heimaeyjargosið 1973 sem hann framleiddi seinasta sumar ásamt Jóhönnu Ýri Jónsdóttur sagnfræðingi. „Heimildarmyndin sem við Jóhanna Ýr framleiddum var í tengslum við það að fjörutíu ár voru liðin frá goslokum, hún heitir „Útlendingur heima – uppgjör við eldgos“ og er fyrsta heimildarmyndin þar sem einblínt er á tilfinningar fólks sem gekk í gegnum gosið og hvernig því hefur tekist að vinna úr atburðunum.“ Sighvatur við upptökur heimildamyndarinnar á Eldfelli í Vestmannaeyjum síðasta sumar. Einn viðmælenda, Elísabet Arnoddsdóttir, stendur á rústum heimilis hennar við Bakkastíg 9 sem fór undir hraun í Heimaeyjargosinu 1973.Jóhanna ýr Jónsdóttir Tognaði á vettvangi Hvati sinnir enn útvarpsvinnu þar sem hann er umsjónarmaður og framleiðandi Vinsældalista Rásar 2 sem er sendur út á laugardögum klukkan fjögur og sunnudagskvöldum klukkan tíu. Samhliða því sinnir hann fréttaritarastörfum fyrir RÚV og ýmsum öðrum framleiðsluverkefnum fyrir útvarp og sjónvarp. Hvati þarf að leysa hin ýmsu verkefni af hendi við úrvinnslu frétta. „Í haust var ég að mynda við Hásteinsvöll í óveðri. Þá fauk auglýsingaskilti í höfuðið á mér og við það fékk ég skurð, það þurfti að sauma sex spor í og einnig tognaði ég á báðum ökklum.“ Aðspurður útskýrir Sighvatur þetta undarlega slys nánar. „Ég sat á hnjánum að mynda við enda vallarins þegar auglýsingaskiltið fauk inn á völlinn. Ég hélt áfram að taka upp og tók nærmynd af skiltinu sem skyndilega kom á móti mér þegar vindur snerist og hviða reif skiltið með sér. Skiltið skall á höfðinu á mér og ég hentist aftur á bak og við það tognaði ég á ökklunum.“ Hann er þó allur að koma til og hefur tekið fótboltaskóna fram á ný en hann æfir tvisvar í viku með félögum sínum í Lunch United. „Ég hef reyndar verið kallaður Örvar undanfarið vegna örsins sem ég er með á enninu eftir skiltið en það grær óðum.“ Afslöppun Helgin hjá Hvata og fjölskyldu fer að mestu leyti í að slaka á. „Ég fæ þó til mín spurningalið framhaldsskólans í Vestmannaeyjum í Gettu betur í stúdíóið hjá mér á sunnudaginn þar sem keppnin er að hefjast. Svo ætlum við að njóta þess að eiga rólega helgi eftir allt fjörið yfir hátíðarnar. Jólaskrautið var tekið niður í vikunni en við skildum eina seríu eftir. Undanfarin ár hefur sá siður skapast að Eyjamenn láti eitthvað af jólaljósunum loga fram yfir 23. janúar en þann dag hófst Heimaeyjargosið 1973.“ Vestmannaeyjar Fjölmiðlar Tímamót Mest lesið Ósérhlífinn starfsmaður bjargaði ómvölum frá endurvinnslu Lífið Á spítala eftir samfarir við 583 menn Lífið Níu ára toppaði Hvannadalshnjúk og renndi sér niður Lífið „Hæ allir saman, kjósið New Day Will Rise“ Lífið Frumsýning á Cannes og gullhamrar Bill Murray: „Nú er ég búin að toppa mig algjörlega“ Lífið „Erum við að reyna fá fólk til þess að vera svikara“ Lífið Iðnaðarmaður ársins 2025 - Elsa er komin í úrslit Lífið samstarf Var hent í ljónagryfjuna þegar hann fór inn á Vog Lífið Hjálmar með upplyftandi morgunkveðju Lífið Rúrik fellur í skuggann á kynþokkafullum Jóni Lífið Fleiri fréttir Nadía og Arnar selja fallegt hús í Hafnarfirði „Hæ allir saman, kjósið New Day Will Rise“ „Erum við að reyna fá fólk til þess að vera svikara“ Á spítala eftir samfarir við 583 menn Hjálmar með upplyftandi morgunkveðju Níu ára toppaði Hvannadalshnjúk og renndi sér niður Ósérhlífinn starfsmaður bjargaði ómvölum frá endurvinnslu Kim „loksins“ útskrifuð Frumsýning á Cannes og gullhamrar Bill Murray: „Nú er ég búin að toppa mig algjörlega“ Sigurvegarinn vill banna Ísrael Tilkynna um 29 ný atriði á Iceland Airwaves Rúrik fellur í skuggann á kynþokkafullum Jóni Var hent í ljónagryfjuna þegar hann fór inn á Vog Color Run flytur úr Laugardal og í Kópavog Dunda dömurnar fögnuðu í bongó blíðu Baltasar Kormákur og Ólafur Jóhann saman í Þjóðleikhúsinu Dulúðug hvít andlit: „Nú horfi ég á þetta allt öðruvísi“ Keyptu glæsihús Atlanta-hjónanna á undirverði Eggert Gunnþór og Elsa selja einbýlið Eitt fallegasta hús Reykjavíkur komið á sölu Sagði að hún kæmist aldrei á forsíðu Vogue Bakslag í veikindi Valgeirs Staðalímyndir í sjávarútvegi: „Hvar er maðurinn þinn?“ Landsliðshetjur elta drauminn til Ólafsvíkur Úr klikkaðri kynlífsþrá í alls enga Rikki G og Valdís eiga von á barni „Hélt að við værum að trufla verðandi bónorð hjá öðrum“ Vill Ísrael og Úkraínu úr Eurovision Stóra stundin hjá þeim Rebekku og Ásgeiri Hersir og Rósa greina frá kyninu Sjá meira
Sighvatur Jónsson er mörgum kunnur úr fjölmiðlum en hann fagnaði átján ára „útvarpsafmæli“ sínu á dögunum. Sighvatur eða Hvati eins og hann er kallaður byrjaði að vinna á FM957 þann 8. janúar 1996. „Á hverju ári þakka ég Bússa, Birni Þóri Sigurðssyni, fyrir að hafa ráðið mig og hugsa sérstaklega hlýtt til allra þeirra sem ég vann með á FM og á fleiri útvarpsstöðvum. Þann 8. janúar fer ég alltaf í minningabankann og rifja upp skemmtilegar minningar frá ferlinum. Þessi dagur fyrir átján árum er alltaf eftirminnilegur, þetta var mánudagur en ég hafði kíkt við í vinnunni á föstudeginum því hjátrúin segir að ekki eigi að byrja í vinnu á mánudegi. Þá hafði ég fengið notendahandbók fyrir klippitölvuna, sem var þá nýkomin, í hendur og sat yfir henni um helgina. Ég var lengi búinn að fikta við hljóðvinnslu en pabbi var rafeindavirki og hann gaf mér lítinn sendi þegar ég var um 12 ára. Ég fór svo að senda yfir til nágranna míns og þeir sátu þar og hlustuðu á mig, vinur minn og bróðir hans. Þeir tveir voru því fyrstu hlustendurnir mínir.“ Stafræna byltingin Þegar Sighvatur byrjaði í útvarpi var stafræna byltingin sem orðið hefur á síðustu árum að byrja. „Ég kom inn í þennan bransa þegar menn voru að hætta að nota spólur og klippitölvurnar orðnar allsráðandi. Ég og félagi minn í Eyjum höfðum rekið litla útvarpsstöð í samstarfi við FM957 sumrin 1993 og 1994. Sumarið á eftir tóku aðrir við rekstrinum en ég sá eingöngu um hljóðvinnslu og tæknimál. Ég hef alltaf verið græjufíkill en ég sakna þess að hafa ekki komið aðeins fyrr inn í bransann og kynnst spóluvinnslunni. Þetta er allt annað og auðveldara í dag. Í stað þess að þurfa að klipppa saman efni af mörgum spólum sem þarf kannski að sækja hingað og þangað gerist þetta allt í tölvunni.“ Sjálfstæður Sighvatur starfar í dag sem sjálfstæður framleiðandi og rekur fyrirtækið Sigva Media. Stærsta verkefnið hans til þessa er heimildarmynd um Heimaeyjargosið 1973 sem hann framleiddi seinasta sumar ásamt Jóhönnu Ýri Jónsdóttur sagnfræðingi. „Heimildarmyndin sem við Jóhanna Ýr framleiddum var í tengslum við það að fjörutíu ár voru liðin frá goslokum, hún heitir „Útlendingur heima – uppgjör við eldgos“ og er fyrsta heimildarmyndin þar sem einblínt er á tilfinningar fólks sem gekk í gegnum gosið og hvernig því hefur tekist að vinna úr atburðunum.“ Sighvatur við upptökur heimildamyndarinnar á Eldfelli í Vestmannaeyjum síðasta sumar. Einn viðmælenda, Elísabet Arnoddsdóttir, stendur á rústum heimilis hennar við Bakkastíg 9 sem fór undir hraun í Heimaeyjargosinu 1973.Jóhanna ýr Jónsdóttir Tognaði á vettvangi Hvati sinnir enn útvarpsvinnu þar sem hann er umsjónarmaður og framleiðandi Vinsældalista Rásar 2 sem er sendur út á laugardögum klukkan fjögur og sunnudagskvöldum klukkan tíu. Samhliða því sinnir hann fréttaritarastörfum fyrir RÚV og ýmsum öðrum framleiðsluverkefnum fyrir útvarp og sjónvarp. Hvati þarf að leysa hin ýmsu verkefni af hendi við úrvinnslu frétta. „Í haust var ég að mynda við Hásteinsvöll í óveðri. Þá fauk auglýsingaskilti í höfuðið á mér og við það fékk ég skurð, það þurfti að sauma sex spor í og einnig tognaði ég á báðum ökklum.“ Aðspurður útskýrir Sighvatur þetta undarlega slys nánar. „Ég sat á hnjánum að mynda við enda vallarins þegar auglýsingaskiltið fauk inn á völlinn. Ég hélt áfram að taka upp og tók nærmynd af skiltinu sem skyndilega kom á móti mér þegar vindur snerist og hviða reif skiltið með sér. Skiltið skall á höfðinu á mér og ég hentist aftur á bak og við það tognaði ég á ökklunum.“ Hann er þó allur að koma til og hefur tekið fótboltaskóna fram á ný en hann æfir tvisvar í viku með félögum sínum í Lunch United. „Ég hef reyndar verið kallaður Örvar undanfarið vegna örsins sem ég er með á enninu eftir skiltið en það grær óðum.“ Afslöppun Helgin hjá Hvata og fjölskyldu fer að mestu leyti í að slaka á. „Ég fæ þó til mín spurningalið framhaldsskólans í Vestmannaeyjum í Gettu betur í stúdíóið hjá mér á sunnudaginn þar sem keppnin er að hefjast. Svo ætlum við að njóta þess að eiga rólega helgi eftir allt fjörið yfir hátíðarnar. Jólaskrautið var tekið niður í vikunni en við skildum eina seríu eftir. Undanfarin ár hefur sá siður skapast að Eyjamenn láti eitthvað af jólaljósunum loga fram yfir 23. janúar en þann dag hófst Heimaeyjargosið 1973.“
Vestmannaeyjar Fjölmiðlar Tímamót Mest lesið Ósérhlífinn starfsmaður bjargaði ómvölum frá endurvinnslu Lífið Á spítala eftir samfarir við 583 menn Lífið Níu ára toppaði Hvannadalshnjúk og renndi sér niður Lífið „Hæ allir saman, kjósið New Day Will Rise“ Lífið Frumsýning á Cannes og gullhamrar Bill Murray: „Nú er ég búin að toppa mig algjörlega“ Lífið „Erum við að reyna fá fólk til þess að vera svikara“ Lífið Iðnaðarmaður ársins 2025 - Elsa er komin í úrslit Lífið samstarf Var hent í ljónagryfjuna þegar hann fór inn á Vog Lífið Hjálmar með upplyftandi morgunkveðju Lífið Rúrik fellur í skuggann á kynþokkafullum Jóni Lífið Fleiri fréttir Nadía og Arnar selja fallegt hús í Hafnarfirði „Hæ allir saman, kjósið New Day Will Rise“ „Erum við að reyna fá fólk til þess að vera svikara“ Á spítala eftir samfarir við 583 menn Hjálmar með upplyftandi morgunkveðju Níu ára toppaði Hvannadalshnjúk og renndi sér niður Ósérhlífinn starfsmaður bjargaði ómvölum frá endurvinnslu Kim „loksins“ útskrifuð Frumsýning á Cannes og gullhamrar Bill Murray: „Nú er ég búin að toppa mig algjörlega“ Sigurvegarinn vill banna Ísrael Tilkynna um 29 ný atriði á Iceland Airwaves Rúrik fellur í skuggann á kynþokkafullum Jóni Var hent í ljónagryfjuna þegar hann fór inn á Vog Color Run flytur úr Laugardal og í Kópavog Dunda dömurnar fögnuðu í bongó blíðu Baltasar Kormákur og Ólafur Jóhann saman í Þjóðleikhúsinu Dulúðug hvít andlit: „Nú horfi ég á þetta allt öðruvísi“ Keyptu glæsihús Atlanta-hjónanna á undirverði Eggert Gunnþór og Elsa selja einbýlið Eitt fallegasta hús Reykjavíkur komið á sölu Sagði að hún kæmist aldrei á forsíðu Vogue Bakslag í veikindi Valgeirs Staðalímyndir í sjávarútvegi: „Hvar er maðurinn þinn?“ Landsliðshetjur elta drauminn til Ólafsvíkur Úr klikkaðri kynlífsþrá í alls enga Rikki G og Valdís eiga von á barni „Hélt að við værum að trufla verðandi bónorð hjá öðrum“ Vill Ísrael og Úkraínu úr Eurovision Stóra stundin hjá þeim Rebekku og Ásgeiri Hersir og Rósa greina frá kyninu Sjá meira