Mögnuð myndbönd frá eldgosinu í Holuhrauni

Eldgosið sem nú stendur yfir í Holuhrauni, norðan við Vatnajökul, hefur nú staðið yfir í rúma fimm sólarhringa. Það hófst aðfararnótt sunnudagsins.

Í gærkvöldi hafði hraunið úr eldgosinu þakið 9,1 kílómetra svæði.

Auðunn Níelsson, ljósmyndari Fréttablaðsins og Vísis, flaug yfir svæðið í gær og tók meðfylgjandi myndbönd.

Lögreglustjórinn á Húsavík, í samvinnu við almannavarnadeild ríkislögreglustjóra, hefur ákveðið að aflétta innri lokun í Holuhrauni og munu vísindamenn og fjölmiðlar á svæðinu geta farið aftur að gosstöðvunum.

Óróinn gekk niður í gærkvöldi og hefur ekki orðið vart aftur í sama mæli og í gær.