Brúðkaupið verður mjög lítið

Raunveruleikastjarnan Kim Kardashian og rapparinn Kanye West plana nú brúðkaup sitt en þau ætla að gifta sig í París, höfuðborg Frakklands, síðar á árinu.

"Brúðkaupið verður lítið, mjög lítið. Eftir því sem við skipulögðum það meira komumst við að þeirri niðurstöðu að við vildum hafa það minna en fólk heldur og ímyndar sér," segir Kim í viðtali við Ryan Seacrest á útvarpsstöðinni KIIS FM. 

Kim og Kanye eiga dótturina North saman sem er sjö mánaða og var Kim aldrei í vafa um að segja já við tónlistarmanninn þegar hann bað hennar.

"Hann vissi að ég myndi segja já. Ég meina, við eigum barn saman og höfum elskað hvort annað í langan tíma. Ég held að þetta sé rétti tíminn."