Á gjörgæslu eftir alvarlegt bílslys á Sæbraut

Uppfært klukkan 09:45:

Karlmaðurinn, ökumaður bílsins, er sá sem er á gjörgæsludeildinni. Maðurinn er með alvarlega áverka samkvæmt vakthafandi lækni á gjörgæsludeild Landspítalans.

Konan sem var farþegi í bifreiðinni hlaut ekki eins alvarlega áverka.

---

Karl á fertugsaldri og kona á þrítugsaldri lentu í alvarlegu bílslysi á Sæbraut skammt frá Snorrabraut rétt fyrir klukkan 3 í nótt. Annað þeirra er á gjörgæsludeild með alvarlega áverka.

Ökumaðurinn er grunaður um ölvun við aksturinn, en bíllinn endaði á kyrrstæðri gröfu. Bíllinn er að sögn ónýtur.