Skurðlæknar hefja verkfallsaðgerðir

Boðað hefur verið til samningafundar ríkisins og Læknafélags Íslands hjá ríkissáttasemjara í dag og skurðlæknar hafa verið boðaðir til fundar á morgun, en verkfall þeirra hófst í morgun og verður í þrjá daga.

Reyndar gátu þeir lítið eða ekkert sinnt störfum í gær þar sem verkfall lækna í Læknafélaginui nær meðal annars til rannsóknasviðs, en óheft starfssemi þar er eitt af grundvallaratriðum þess að skurðlæknar framkvæmi skurðaðgerðir.

Verkföllin valda mikilli röskun í heilbrigðisþjónustunni, en allri bráðaþjónustu er sinnt.