Birgitta flutt heim

Söngkonan Birgitta Haukdal er flutt aftur heim til Íslands eftir að hafa verið búsett á Spáni undanfarin þrjú ár. Birgitta bjó þar ásamt eiginmanni sínum, Benedikt Einarssyni, og syni þeirra.

Benedikt var þar í MBA-námi en Birgitta lagði stund á spænskunám í háskóla í Barcelona meðan á dvöl þeirra stóð. „Ég er flutt aftur til Íslands og elska það, fyrir utan veðrið,“ sagði Birgitta á Facebook-síðu sinni í tilefni flutninganna.

Birgitta hefur um árabil verið ein þekktasta söngkona landsins og mun hún meðal annars ætla að starfa við söngkennslu nú þegar hún er flutt aftur heim.