Leiguverð hefur hækkað um 8,2 prósent að jafnaði Brjánn Jónasson skrifar 28. apríl 2014 07:00 Leiguverð á tveggja herbergja íbúðum í Breiðholti hefur hækkað um 29 prósent á einu ári miðað við samanburð á nýjum leigusamningum. Fréttablaðið/GVA Leiguverð á íbúðarhúsnæði hefur hækkað um að meðaltali 8,2 prósent síðustu tólf mánuði, samkvæmt Þjóðskrá Íslands. Hækkunin er langt umfram 2,2 prósenta verðbólgu síðustu tólf mánuði. Þetta má lesa úr samantekt Þjóðskrár á leiguverði í nýjum leigusamningum sem þinglýst var í mars síðastliðnum og samanburði við sams konar samantekt í mars í fyrra. „Okkar félagsmenn eru að finna fyrir þessum hækkunum,“ segir Jóhann Már Sigurbjörnsson, formaður Samtaka leigjenda á Íslandi. Hann segir stjórnvöld hafa stutt við fasteignaeigendur með sérstökum vaxtabótum frá árinu 2009 en leigjendur hafi setið eftir. „Ef leiguverðið á að vera svona hátt áfram þurfa leigjendur að fá meiri stuðning til að ná endum saman,“ segir Jóhann. Þegar leigusamningarnir eru skoðaðir eftir svæðum og stærð íbúða má sjá að hækkunin er afar misjöfn, og í einhverjum tilvikum hefur leigan lækkað. Hækkunin er mest á tveggja herbergja íbúðum í Breiðholti. Meðalverð á fermetra á nýjum leigusamningum í mars síðastliðnum var 29 prósentum hærra en á nýjum samningum í mars í fyrra. Leiguverð fyrir tveggja herbergja íbúðir í Kópavogi hefur einnig hækkað verulega, um 21 prósent milli ára. Fermetraverðið í nýjum leigusamningum er hæst á stúdíóíbúðum í Reykjavík á milli Kringlumýrarbrautar og Reykjanesbrautar. Á þessu svæði kostar fermetrinn um 2.274 krónur. Verðið er litlu lægra í Reykjavík vestan Kringlumýrarbrautar, 2.247 krónur. Leiguverðið er almennt hæst miðsvæðis í Reykjavík, en lækkar talsvert því lengra sem farið er frá dýrasta svæðinu. Jóhann segir leiguverðið orðið þannig miðsvæðis í Reykjavík að fólk sé farið að halda sig frá miðbænum. „Verðið sem er í gangi þar er ekkert fyrir hinn venjulega meðaljón. Menn leita frekar í úthverfin þar sem leigan er há, en þó lægri en í og við miðborgina.“ Samtök leigjenda á Íslandi gagnrýna stjórnvöld harðlega fyrir áform um niðurfellingu á hluta höfuðstóls fasteignalána, og segja ekki komið til móts við leigjendur. „Við köllum einfaldlega eftir því að jafnræðis sé gætt í þessum málum,“ segir Jóhann. Hann bendir á að margir hafi kosið að vera frekar á leigumarkaði en að kaupa fasteign í aðdraganda hrunsins þar sem þeir hafi óttast áhrif verðtryggingarinnar. Nú séu þeir verðlaunaðir sem hafi tekið áhættu, en þeir sem hafi farið varlega sitji eftir með sífellt hækkandi leiguverð. Jóhann segir einu úrræði stjórnvalda sem geti nýst leigjendum þau að safna fyrir útborgun með séreignarsparnaði. Til að ná að safna hámarksupphæð, 1,5 milljónum á þremur árum, þurfi mánaðarlaunin að vera nærri 600 þúsund, og minnihluti þjóðarinnar sé með slíkar tekjur. Hann bendir á að 1,5 milljónir hrökkvi skammt við kaup á íbúð. Reikna megi með því að þurfa að eiga rúmar fjórar milljónir til að kaupa tveggja herbergja íbúð. Þá sé ekki tiltekið í frumvarpi stjórnvalda hvað verði um þann sparnað sem ekki sé hægt að nýta til fasteignakaupa. Mest lesið Aðrir frambjóðendur en efstu tveir eigi töluvert langt í land Innlent Sauð upp úr milli bónda og dýraverndunarsinna Innlent „Hann hættir bara ekki” Innlent Fyrirskipa þúsundum að yfirgefa Rafah Erlent Grunaðir um rán í miðbænum Innlent Hollenska söngvaranum bannað að keppa í kjölfar „hótana“ Erlent Palestína fær aukna þáttöku á allsherjarþingi SÞ Erlent Forsetavaktin 2024: Hver verður sjöundi forseti lýðveldisins? Innlent Leita enn að þeim sem réðu barnabarninu bana Innlent Hitaveitulögn sprakk í Breiðholti Innlent Fleiri fréttir Grunaðir um rán í miðbænum Aðrir frambjóðendur en efstu tveir eigi töluvert langt í land Sauð upp úr milli bónda og dýraverndunarsinna Kappræðurnar höfðu talsverð áhrif á kjósendur Forréttindi að fá að fylgja fólki í gegnum erfiðasta tíma lífsins Vilja breyta fyrirkomulagi við úthlutun plássa „Maður getur varla ímyndað sér hvað þarf að koma til“ Handtaka hælisleitenda og brottrekstur Hollands úr Eurovision Hitaveitulögn sprakk í Breiðholti Leita enn að þeim sem réðu barnabarninu bana Rigning í kortunum í kvöld „Hann hættir bara ekki” Hótaði lögregluþjónum og fjölskyldum þeirra Vilja að plássum í sumarfrístund sé útdeilt með sanngjarnari hætti Mótmælendur gegn brottvísun hindruðu för lögreglubíls Gætu verið einhverjar vikur í næsta gos Forsetakosningar á Eyrarbakka – munu sakna buffsins frá Guðna Var beðinn um upplýsingar um unga leikmenn vegna veðmáls Um fimm prósent fjölskyldusameininga vegna flóttamanna og hælisleitenda Senda á tólf ára palestínskan dreng með hrörnunarsjúkdóm úr landi Hræðsla við brottvísun, fylgi á fleygiferð og veðjað á leiki barna Ísland greiddi atkvæði með auknum rétti Palestínu hjá SÞ Auknar líkur á nýju eldgosi á næstu dögum Reyndi að drepa mann eftir að upp úr sauð á gamlárskvöld Kári tekur ábyrgð á stuðningi Víðis og Þórólfs Stefnir í tveggja turna tal Guðmundur í Afstöðu hundskammar DV Stórri flotaæfingu NATO lauk í Reykjavík „Þegar hann loksins náði að bjóða mér út missti ég hnén“ Rafmagnslaust í Vesturbænum Sjá meira
Leiguverð á íbúðarhúsnæði hefur hækkað um að meðaltali 8,2 prósent síðustu tólf mánuði, samkvæmt Þjóðskrá Íslands. Hækkunin er langt umfram 2,2 prósenta verðbólgu síðustu tólf mánuði. Þetta má lesa úr samantekt Þjóðskrár á leiguverði í nýjum leigusamningum sem þinglýst var í mars síðastliðnum og samanburði við sams konar samantekt í mars í fyrra. „Okkar félagsmenn eru að finna fyrir þessum hækkunum,“ segir Jóhann Már Sigurbjörnsson, formaður Samtaka leigjenda á Íslandi. Hann segir stjórnvöld hafa stutt við fasteignaeigendur með sérstökum vaxtabótum frá árinu 2009 en leigjendur hafi setið eftir. „Ef leiguverðið á að vera svona hátt áfram þurfa leigjendur að fá meiri stuðning til að ná endum saman,“ segir Jóhann. Þegar leigusamningarnir eru skoðaðir eftir svæðum og stærð íbúða má sjá að hækkunin er afar misjöfn, og í einhverjum tilvikum hefur leigan lækkað. Hækkunin er mest á tveggja herbergja íbúðum í Breiðholti. Meðalverð á fermetra á nýjum leigusamningum í mars síðastliðnum var 29 prósentum hærra en á nýjum samningum í mars í fyrra. Leiguverð fyrir tveggja herbergja íbúðir í Kópavogi hefur einnig hækkað verulega, um 21 prósent milli ára. Fermetraverðið í nýjum leigusamningum er hæst á stúdíóíbúðum í Reykjavík á milli Kringlumýrarbrautar og Reykjanesbrautar. Á þessu svæði kostar fermetrinn um 2.274 krónur. Verðið er litlu lægra í Reykjavík vestan Kringlumýrarbrautar, 2.247 krónur. Leiguverðið er almennt hæst miðsvæðis í Reykjavík, en lækkar talsvert því lengra sem farið er frá dýrasta svæðinu. Jóhann segir leiguverðið orðið þannig miðsvæðis í Reykjavík að fólk sé farið að halda sig frá miðbænum. „Verðið sem er í gangi þar er ekkert fyrir hinn venjulega meðaljón. Menn leita frekar í úthverfin þar sem leigan er há, en þó lægri en í og við miðborgina.“ Samtök leigjenda á Íslandi gagnrýna stjórnvöld harðlega fyrir áform um niðurfellingu á hluta höfuðstóls fasteignalána, og segja ekki komið til móts við leigjendur. „Við köllum einfaldlega eftir því að jafnræðis sé gætt í þessum málum,“ segir Jóhann. Hann bendir á að margir hafi kosið að vera frekar á leigumarkaði en að kaupa fasteign í aðdraganda hrunsins þar sem þeir hafi óttast áhrif verðtryggingarinnar. Nú séu þeir verðlaunaðir sem hafi tekið áhættu, en þeir sem hafi farið varlega sitji eftir með sífellt hækkandi leiguverð. Jóhann segir einu úrræði stjórnvalda sem geti nýst leigjendum þau að safna fyrir útborgun með séreignarsparnaði. Til að ná að safna hámarksupphæð, 1,5 milljónum á þremur árum, þurfi mánaðarlaunin að vera nærri 600 þúsund, og minnihluti þjóðarinnar sé með slíkar tekjur. Hann bendir á að 1,5 milljónir hrökkvi skammt við kaup á íbúð. Reikna megi með því að þurfa að eiga rúmar fjórar milljónir til að kaupa tveggja herbergja íbúð. Þá sé ekki tiltekið í frumvarpi stjórnvalda hvað verði um þann sparnað sem ekki sé hægt að nýta til fasteignakaupa.
Mest lesið Aðrir frambjóðendur en efstu tveir eigi töluvert langt í land Innlent Sauð upp úr milli bónda og dýraverndunarsinna Innlent „Hann hættir bara ekki” Innlent Fyrirskipa þúsundum að yfirgefa Rafah Erlent Grunaðir um rán í miðbænum Innlent Hollenska söngvaranum bannað að keppa í kjölfar „hótana“ Erlent Palestína fær aukna þáttöku á allsherjarþingi SÞ Erlent Forsetavaktin 2024: Hver verður sjöundi forseti lýðveldisins? Innlent Leita enn að þeim sem réðu barnabarninu bana Innlent Hitaveitulögn sprakk í Breiðholti Innlent Fleiri fréttir Grunaðir um rán í miðbænum Aðrir frambjóðendur en efstu tveir eigi töluvert langt í land Sauð upp úr milli bónda og dýraverndunarsinna Kappræðurnar höfðu talsverð áhrif á kjósendur Forréttindi að fá að fylgja fólki í gegnum erfiðasta tíma lífsins Vilja breyta fyrirkomulagi við úthlutun plássa „Maður getur varla ímyndað sér hvað þarf að koma til“ Handtaka hælisleitenda og brottrekstur Hollands úr Eurovision Hitaveitulögn sprakk í Breiðholti Leita enn að þeim sem réðu barnabarninu bana Rigning í kortunum í kvöld „Hann hættir bara ekki” Hótaði lögregluþjónum og fjölskyldum þeirra Vilja að plássum í sumarfrístund sé útdeilt með sanngjarnari hætti Mótmælendur gegn brottvísun hindruðu för lögreglubíls Gætu verið einhverjar vikur í næsta gos Forsetakosningar á Eyrarbakka – munu sakna buffsins frá Guðna Var beðinn um upplýsingar um unga leikmenn vegna veðmáls Um fimm prósent fjölskyldusameininga vegna flóttamanna og hælisleitenda Senda á tólf ára palestínskan dreng með hrörnunarsjúkdóm úr landi Hræðsla við brottvísun, fylgi á fleygiferð og veðjað á leiki barna Ísland greiddi atkvæði með auknum rétti Palestínu hjá SÞ Auknar líkur á nýju eldgosi á næstu dögum Reyndi að drepa mann eftir að upp úr sauð á gamlárskvöld Kári tekur ábyrgð á stuðningi Víðis og Þórólfs Stefnir í tveggja turna tal Guðmundur í Afstöðu hundskammar DV Stórri flotaæfingu NATO lauk í Reykjavík „Þegar hann loksins náði að bjóða mér út missti ég hnén“ Rafmagnslaust í Vesturbænum Sjá meira